Estudante sira hamarik formatura hodi simu vizita Prezidente Republika, Francisco Guterres Lú Olo ba Eskola Sekundária Jerál Públiku (ESJP) Seran-Kotek, Munisípiu Covalima, Kinta (27/06/2019). Imajen/Eugénio Pereira

DILI, 09 outubru 2019 (TATOLI)—Eskola ida ne’e husi inisiu iha profesór/a hamutuk 55 maibé balun transferidu inklui balun sei eskola entaun agora hela de’it 45. Husi totál profesór ne’e mak fahe ba parte tolu. Permanente ema na’in tolu (3), kontratadu ema na’in 23 ne’e Governu mak selu no profesór 19 ne’ebé voluntáriu ne’e fundasaun mak kontratu no sira-nia saláriu foti husi propina eskola.

“Pofesór na’in haat (4) mak husi inísiu eskola ne’e harii, hanorin tiha ona. Tanba profesór sira ne’e iha ona esperiénsia. Ha’u konfia ha’u-nia profesór sira. Tanba esperiénsia ne’e iha mak durante tinan tolu hahú husi 2016-2018 hetan terseiru lugar nivel Ensinu báziku terseiru siklu no sekundária,” dehan Diretór ESG Nobel da Pas, Pedro Nunes Menezes, ba Ajénsia TATOLI iha nia knaar fatin, kuarta (9/10/2019).

Atu hatene kle’an liu, TATOLI haktuir perfil kona-ba oinsá no tanbasá mak harii eskola refere hodi fó leet ba timoroan sira atu buka buka eh matenek iha eskola refere.

Eskola Nia naran: Eskola Ensinu Sekundária Gerál Nobel da Paz (akumula estudantes Ensinu Báziku terseiru siklu no Ensinu Sekundária).

Lokaliza: Iha Suku Santa Cruz, Bairru Quintal Boot, Postu Administrativu Na´in Feto, Munisípiu Dili, Timor-Leste.

Fundadór: Hamutuk  ema na’in 15 maibé agora hela de’it na’in rua (2).

Funda/Harii: Iha loron 5 Maiu 2002.

Diretór Eskola,  Pedro Nunes Menezes.

Totál Profesór/a:  Hamutuk ema na’in 45. Permanente ema na’in tolu (3), kontratadu ema na’in 23 no voluntáriu ema na’in 19.

Totál Estudante: Hamutuk ema na’in 1.500.

Totál sala de aulas, hamutuk 18 turmas fahe ba turnu rua (2)

Biblioteka no Laboratoriu: Seidauk iha.

Vizaun no Misaun: Hamutuk ho estadu atu kobre edukasaun ida di’ak ba jerasaun foun sira atu hatutan destinu nasaun ida ne’e nian ba ukun rasik-aan ida di’ak liu.

Objetivu: Atu lori edukasaun ida adekuada besik ba povu no akumula jerasaun foun sira atu hatene valoriza ukun rasik-aan ne’e liu husi estuda maka´as. No mós atu eduka jerasaun foun sira atu hatene respeita malu nu’udar timoroan iha nasaun ida ne’e hahú agora no ba futuru.

Lema/Moto: Tane aas nasionalizmu no patriotizmu liuhusi edukasaun ida di’ak ba futuru.

Diretór jerál da Eskola Nobel da Paz, Pedro Nunes Menezes, hateten maske ninia eskola ne’e sei kontinua ho kondisaun la di’ak liu maibé nia nafatin agradese ba Governu tanba bele ona rekoñese hodi fó akteditasaun ba eskola Nobel da Paz. Apoiu Governu mak fó ona lisensa, livrus, merenda eskolár inklui konsensaun Eskolár.

Notísia relevante:Eskola Nobel da Paz Sei Harii Edifísiu Foun

Perfil Eskola Ensinu Sekundária Iha Dili: ESG 5 de Maio Becora (II)

Jornalista : Tomé  Amado

Editór        : Rafy Belo

HAKEREK NO HATÁN

Please enter your comment!
Please enter your name here