Ministru Negósiu Estranjeirus no Kooperasaun Dionísio da Costa Babo Soares. Imajen: António Gonçalves

DILI, 09 outubru 2019 (TATOLI)-Adezaun Timor-Leste (TL) nian ba ASEAN (Organizasaun Sudeste Aziátiku-sigla portugés), Governu Timor-Leste liuhusi Ministériu Negósiu Estranjeiru no Kooperasaun (MNEK) kontinua esforsu halo serbisu ASEAN nian.

“Agora kona-ba serbisu ASEAN nian, ami esforsa nafatin hela, sira mai tiha ona ekipa avaliasaun ida, agora sei mai tan ekipa avaliasaun rua, sira dehan katak tinan oin depois hotu tiha mak ita haree to´ok sira-nia pozisaun ne’e hanusa,” dehan Ministru Dionísio da Costa Babo Soares ba jornalista sira hafoin ramata enkontru Konsellu-Ministru iha Palásiu Governu, ohin .

Ministru Dionísio Babo informa, iha país hotu konkorda. “Mas ida mak parese dehan katak hakarak cek lai. Husik ba ita akompaña de’it, sira lakoi mak se iha desizaun oin seluk ita mós tenke foti desizaun hanesan país soberania ida”.

“Tanba tinan ualu ba kotuk ita-nia Nai Ulun sira uluk ne’e hatama tiha ona proposta, ita ba tuir, sira hatudu ona seriadade balun,” dehan governante ne´e.

“Ita espera katak ne’e bele kontinua. Se la kontinua ,Timor-Leste tenke buka dalan seluk,” konsidera diplomata timoroan ne´e.

Notísia relevante:MNEK Kongratula Ministériu Sira Tanba Hatudu Aprezentasaun Di’ak Iha Vizita ASEAN “Fact-Finding Mission”

 Jornalista : Nelia Fernandes

Editor        : Rafy Belo

HAKEREK NO HATÁN

Please enter your comment!
Please enter your name here