Prezidente AFEDIL, Delfina Gomes. Imajen/Osória Marques

DILI, 07 outubru 2019 (TATOLI)-Asosiasaun Feto Distritu Dili (AFEDIL) preokupa ho vida ekonomia ne’ebé la suporta inan feto sira iha vida polítika.

Notísia Relevante : AFEDIL Hala’o Kongresu ba Da-ruak

Liu husi kongresu ba da-ruak AFEDIL nian, ohin, iha Salaun Ministériu Solidariedade, Sosiál no Inkluzaun (MSSI), Caicoli, Dili, Prezidente AFEDIL, Delfina Gomes, reafirma katak, AFEDIL  iha knar no misaun importante atu hakbiit, enkoraja, motiva no promove feto, atu partisipa iha vida polítika, maibé preokupasaun boot oras ne’e  feto sira enfrenta  mak ekonomia la suporta feto sira.

Prezidente AFEDIL, Delfina Gomes, akresenta tan katak, kongresu ba da-ruak AFEDIL nian ne’e atu reafirma misaun no polítika AFEDIL nian, inklui hili fali estrutura foun hodi bele serbisu ba interese feto iha Munisípiu Dili, atu bele hola parte iha vida polítika no vida sosiál ne’ebé merese ba feto atu serbí.

“Aban, tersa (08/10/2019), ami sei hili estrutura foun ba AFEDIL,” hateten Delfina Gomes. Maske nune’e, to’o agora sira ho sira iha AFEDIL laran seidauk hatene se-se mak figura potensiál atu merese lidera AFEDIL iha mandatu foun ne’e.

 Jornalista : Osório Marques

Editór       : Francisco Simões

HAKEREK NO HATÁN

Please enter your comment!
Please enter your name here