Prezidente AFEDIL, Delfina Gomes, Sekretaria Estadu Igualdade no Inkluzaun, Maria José da Fonseca Monteiro de Jesus, Vise Ministra Solidariedade Sosial no Inkluzaun, Signi Verdial ho Adjuntu Munisípiu Díli, José Smith, iha loron da-uluk kongresu AFEDIL, segunda (07/10/2019). Imajen/Osória Marques

DILI, 07 outubru 2019 (TATOLI)- Asosiasaun Feto Munisípiu Dili (AFEDIL), ohin, halibur malu hodi hala’o hikas sira nia kongresu ba da-ruak atu hadi’a estatutu no nomea estrutura foun.

Kongresu ne’ebé hala’o iha Salaun Ministériu Solidariedade, Sosiál no Inkluzaun (MSSI), Caicoli, Dili, ho tema sentrál  “Hakbiit  Feto ba Dezenvolvimentu Lokál ne’ebé Sustentável no Inkluzivu”.

Kongresu ne’e sei hala’o durante loron rua; ohin ho aban (segunda-tersa, 07-08/10/2019), ne’ebé hola parte mós husi Vise Ministériu Solidariedade Sosiál no Inkluzaun, Signi Chandrawati Verdial, Sekretáriu Estadu Igualdade no Inkluzaun (SEII),  Maria José da Fonseca Monteiro de Jesus, diretora nasionál no diretora departamentu sira MSSI nian, inklui reprezentante feto husi aldeia, suku ho postu administrativu sira ne’ebé mahan iha Munisípiu Dili nia laran.

Jornalista : Osório Marques

Editór       : Francisco Simões

HAKEREK NO HATÁN

Please enter your comment!
Please enter your name here