Komparadór sira sei trauma atu ba sosa roupa obralan iha Ai-mutin. Imajen/Osória Marques

DILI, 02 outubru 2019 (TATOLI)-Akontesimentu kazu Ai-mutin, foin lalais ne’e, lori trauma boot ba komunidade sira atu ba halo kompra iha fatin fa’an roupa uzadu (obralan) Ai-mutin nian.

Negosiante roupa obralan Ai-mutin, Angelina de Jesus.

Antes akontesimentu, iha loron sábadu no domingu ou tempu loro-kraik loron bai-leet,  kompradór sira lokál no balun ema estranjeiru sempre halo movimentu ba sosa roupa obralan iha Ai-mutin. Maibé semana ida ikus ne’e kompradór menus tanba ema sei ‘trauma” ho akontesimentu ne’ebé rezulta joven nain ida mate fatin.

 Notísia Relevante: Polísia Detein Ona Suspeitu Na’in Rua Ba Kazu Konfrontu Ai-mutin

Negosiante roupa obralan Ai-mutin, Angelina de Jesus, ohin, informa ba Ajénsia TATOLI, katak, depois akontesimentu ne’e, ema ladún ona ba sosa roupa obralan. Ho nune’e, halo sira nia rendimentu tuun hafoin drástiku.

Nia dehan, iha loron bain-bain (antes akontesimentu) sira bele hetan rendimentu entre $60 to’o $100 kada loron. Maibé, iha semana hirak ikus ne’e atu hetan de’it $20 loron ida mós difisil tebes.

Notísia Relevante: Tribunál Aplika Aprezentasaun Periodika ba Suspeitu Kazu Aimutin Tanba Kontra Polísia

“Ha’u triste tanba iha semana rua nia laran depois akontesimentu entre joven sira asalta malu, halo ami negosiante sira lakon ami nia rendimentu. Ema sei ta’uk no trauma ba sosa roupa obralan iha Ai-mutin,” hateten Angelina de Jesus.

Jornalista : Osório Marques

Editór       : Francisco Simões

HAKEREK NO HATÁN

Please enter your comment!
Please enter your name here