Ministru Justisa, Manuel Cárceres da Costa. Imajen/Antonio Goncalves

DILI, 27 setembru 2019 (TATOLI) – Ministru Justisa (MJ), Manuel Cárceres da Costa,  husu ba jornalista sira atu la bele ansi  atu sobu ‘mafia justisa’ ne’ebé nia rasik kompromete ona.

Notísia Relevante : Bankada Governu Husu Ministru Cárceres Deskobre Ona ‘Mafia’ Justisa

Iha kazu disputa rai Kaitehu, Postu Administrativu Bazartete, Munisípiu Liquiça, entre kompañia Marino Enterprise ho China Harbour, ne’ebé obriga lidera karizmátiku, Kay Rala Xanana Gusmão, halo intervensaun no tuun direita ba sobu lutu sira ne’ebé Marino Enterprise monta, Ministru Manuel Cárceres da Costa, alerta dehan, kazu nee iha ‘mafia justisa’ no nia kompromete sei sobu ‘mafia justisa’ ne’e hahú iha Diresaun Nasional Terras Propriedade (DNTP).

 “To’o tempu ita boot sira sei hatene mafia justisa. Ita la bele lao ho ansi, too nia loron, ita boot sira (jornalista-red) bele publika ba públiku,” afirma Ministru Manuel Cárceres da Costa, ohin, hodi responde jornalista Ajénsia  TATOLI  bainhira partisipa serimónia lansamentu do legais – PALOP + TI, iha salaun Ministériu Justisa.

Husi sorin seluk, Advogadu Privadu Pedro Aparicio Guterres,  afirma, mafia justisa nia parte indika ba indivíduu sira ne’ebé mak serbisu ba Terras no Propriedade ne’ebé mak Governu deside liuliu ba rai Kaitheu.

“Iha indivíduu balun iha Sekretaria Estadu Terras no Propriedade mak halo manobra, tanba iha parte ida sira rekoñese ami nia direitu, maibé iha parte seluk rai pretense ba estadu,” afirma Pedro Aparicio.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here