Serimónia lansamentu do legis – PALOP + TL, iha salaun Ministériu Justisa, kinta (26/09/2019). Imajen/Domingos Piedade

DILI, 27 setembru 2019 (TATOLI) – Ministru Justisa, Manuel Cárceres da Costa, informa, lansamentu Legislaçâo Paises Africanos de Lingua Oficial Portuguesa +Timor-Leste (Legis PALOP + TL) hanesan fragmentu ida ba baze dadus jurídiku liu-liu lejizlasaun hot-hotu ne’ebé mak prodús iha Timor-Leste atu ema hot-hotu asesu.

Notísia Relevante : TL Adere ba Ordenamentu Jurídiku Legis PALOP

 “Buat ne’ebé mak ita sei hetan mak hanesan leitura akórdaun Tribunal Rekursu nian, dekretu lei, lejizlasaun Governu, diploma ministeriais sira ne’ebé prodús iha TL, ita sei hetan baze de dadus jurídiku legais PALOP +TL hanesan armazén ida atu nasaun Luzofonia bele asesu ita nia lei sira tanba iha mundu globalizadu la iha sasán ida ne’ebé subar,” tenik ba Manuel Cárceres da Costa, ba jornalista sira, bainhira partisipa serimónia lansamentu do legis – PALOP + TL, iha salaun Ministériu Justisa, kinta  (26/09/2019).

Iha biban hanesan, Komisáriu Komisaun Anti Korrupsaun (CAC-sigla portugés), Sergio Hornay, hateten, ko’alia kona ba polítika lejizlasaun importante tebetebes tanba ligasaun ho konsulta jurídika.

Nia hatutan, lejizlasaun no peskiza sira ne’ebé mak intermus téknika jurídika iha koñesimentu ba lei sira. Tamba nee, ho estabelesimentu PALOP + TL nee, fasilita tebetebes tanba Timor Leste hanesan nasaun ne’ebé hola parte iha CPLP.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here