Xefe Departamentu Administrasaun Ministeriu Justisa, Demétrio da C.X dos Santos. Imajen/ Domingos Piedade

DILI, 27 setembru 2019 (TATOLI) – Timor-Leste ofisiálmente adere ona ba ordenamentu juridico Legis-PALOP (Legislaçâo Paises Africanos de Lingua Oficial Portuguesa.

Nasaun sira ne’ebé hola parte iha ordenamentu juridico Legis-PALOP ne’e kompostu husi Angola, Cabo-Verde, Guine-Bissau, Moçambique, Sâo Tomé e Principe, ne’ebé simu adezaun Timor-Leste nian liu husi serimónia lansamentu Legis-PALOP+TL iha Lizboa, Portugal, 14 juñu 2018.

Xefe Departamentu Administrasaun, Ministériu Justisa, Demétrio da C.X. dos Santos, informa, adezaun TL nian iha Juridico Legis-PALOP ne’e partisipa mós husi Prezidente Tribunal Rekursu ho reprezentante husi Ministériu Justisa.

Adezaun TL nian ne’e bazeia mós ba Diploma Ministerial No.37/DM-MJ/08/2019, de 11 de setembru, kona-ba Estrutura Orgánika da Direção Geral Administração e Politica da Justiça, estabelese Departamentu de Legis-PALOP+TL, sob tutela ba Direção Nacional de Asesoria Juridico e Legislaçâo, sai nu’udar núkleu orgániku fundamental ne’ebé asegura funsionamentu Legis-PAPOL+TL nivel nasionál, no responsavel ba sistema base de dados juridika Legis-PALOP+TL no jere lisensa ba asesu sistema ho utilizadora, subskritores no hala’o atividade konjunta entre membru nasaun PALOP.

Liu husi serimónia lansamentu do legis – PALOP + TI, iha salaun Ministériu Justisa,  kinta (26/09/2019), Demétrio da C.X. dos Santos, esplika, haree ba importánsia sistema Legis-PALOP+TL, maka ohin (horiseik-red) halibur malu iha soru-mutu ne’e atu asiste no konkretiza serimónia lansamentu ba Legis-PALOP+TL, nu’udar meiu ida atu divulga no informa ba públiku kona-ba ezisténsia sistema refere no sei fó benefísiu exelente, espesiál ba majistradu judisiais Timoroan, hanesan Ministériu Públiku, Defensoria Públiku, Advogadu Privadu, Jurista sira.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here