DILI, 24 setembru 2019 (TATOLI)-IWPG (International Women’s Peace Group) realiza konferénsia internasionál promove dame ba feto sira ho tema” Aumenta Rede feto ba 3.7 biliaun hodi dudu no suporta DPWC no hametin dame no Península koreana” Iha komemorasaun Aniversáriu iha loron 5 no loron 18 Setembru KTT Perdamayan, iha otel Korea iha Seoul.

Konferénsia ne’e realiza atu habelar no haforsa sistema kooperasaun entre organizasaun feto sira iha Korea ba pás iha península Korea nian nune’e mós dudu no suporta DPCW ( Declaration of Peace and Cessation of War) hodi nune’e bele iha introdusaun Ba iha ONU (Organizasaun Nasaun Unida) hodi halo hanesan lei internasionál ida.

Nune’e mós iha konferénsia ne’e ema liuhusi 1000 inklui mós lider feto sira iha Korea, lider feto husi organizasaun no jornalista sira partisipa no diskute kona-ba pás.

Dalan atu atinje pás iha península Korea Nian, diskute ona entre lideransa feto sira iha Korea kona-ba DPCW hanesan lei internasionál hodi hapara konflitu, terror no funu iha mundu.

“Atu hapara funu iha era agora, feto barak maka serbisu ho IWPG no halo atividade iha sira-nia rejiaun ho objetivu ne’ebé hanesan ho pás,” hateten lideransa feto nian iha Korea, Hyun Sook Yoon, iha komunikadu dirije ba Ajénsia TATOLI, ohin.

Nia konsidera feto iha mundu ativu loos atu lori pás ba mundu. Nia enkoraja feto sira iha Korea atu partisipa maka’as mós ba ida ne’e. “Feto tenke hamriik iha oin hodi realiza pás ba mundu no suporta DPCW resposta ba dame atu nune’e sidadaun hotu-hotu bele konsiente”.

Ezekutivu HWPL, Man Hee Lee hateten, feto sira presiza tau esforsu maka’as hodi halo pás ne’e sai realidade.

Entretantu, atu habelar rede feto ba mundu, iha biban hanesan, asina mós Plaka no deklarasaun ba apoiu pás iha península Korea Nian.

Partikularmente IWPG serbisu hamutuk ho HWPL ba projetu lejizlativu ba pás ne’ebé bazeia ba rede feto 3.7 biliaun.

Iha totál Nasaun 65 maka partisipa iha nasaun 50 liuhusi karta no karta suporta manda husi sidadaun mundu ba lider nasionál. Rezultadu husi atividade ba dame nian ne’e halo liuhusi feto nia movimentu iha rejiaun baze.

Iha konferénsia ne’e anúnsiu ho rezultadu husi Karta ba Paz ne’ebé hakerek ho liman, manda mós ba estadu embaixadór husi nasaun 191 ne’ebé maka halo vizita iha fulan marsu durante vizita ba iha Kuartél Jerál ONU. Karta suporta ne’e simu husi lideransa barak inklui mós Senator husi California, Estadu Unidu Amérika (EUA).

Enkuantu, “Estabilidade ba IWPC” tuir planu sei sai projetu prioridade ba iha tinan 2020 liuhusi divulgasaun pás no kultura no sentru ba labarik sira iha nasaun ne’ebé hasoru difikuldade, iha mós planu atu estabelese planu instituisaun ba edukasaun, edukasaun kona-ba pás IWPG, edukasaun DPCW no akonsellamentu ba edukasaun.

IWPG ne’e ONG feto internasionál ne’ebé rejistadu iha DGC (Global Communication Bureau no UN Economic Committee for Economic and Social Affairs (UNECOSOC). Agora daudauk, ativu iha serbisu ba pás ne’e lori sai husi rede feto iha mundu liuhusi edukasaun feto ba pás.

Notisia relevante:Dame Sei Sai Realidade Bainhira Ita Hamutuk

Jornalista: Nelia Borges

Editór     : Rafy Belo 

HAKEREK NO HATÁN

Please enter your comment!
Please enter your name here