La´o ba dame. Foto: HWPL

DILI, 02 agostu 2019 (TATOLI)-Organizasaun Kooperasaun Pás HWPL (Heaven World Peace), IWPG (International Woman Peace Group) no IPYG (International Peace Youth Group) sei implementa World Peace Summit ho tema” Pás no Lejizlativa” relasiona ho komemorasaun loron aniversáriu WARP (Weave A Real Peace) ba dala lima.

Tinan ida ne’e,  eventu refere sei realiza iha Oe-cusse iha loron 3 Setembru 2019 nune’e mós iha Dili sei realiza iha loron 6 setembru 2019, hodi fahe esperiénsia kona-ba progresu no impaktu husi  membru sira HWPL (Heaven World Peace), IWPG no IPYG (International Peace Youth Group) iha tinan hira liu ba.

Prezidente IWPG, Hyun Sook Yoon hateten katak dame sei la atinje husi ema ida mesak. “Bainhira ita halibur ita-nia hakarak no esforsu hamutuk, dame ne’e konserteza sei sai realidade ida. Ha’u sinseramente espera atu ho laran ksolok hasoru malu ho ita-boot sira iha eventu pás nian iha tinan ida ne’e. Ita ida de’it,” hateten Ezekutiva IWPG, Hyun Sook Yoon via e-mail husi Korea Sul ba Ajénsia TATOLI, ohin.

Entretantu, implementasaun atividade husi DPCW kona-ba Dezenvolvimentu Sustenbilidade  ba World Peace Summit tinan 2019, DPCW sei fó mós oportunidade ba organizasaun tolu ne’ebé maka sei sai uma na’in ba World Peace Summit hodi halo diskusaun kona-ba “ Legislate Peace” ne’ebé hanesan kampaíña global ida atu  apoia implementasaun ofisial husi DPCW.

Notísia relevante:HWPL Sei Realiza Konferénsia Internasionál Kona-ba Dame Iha Timor-Leste  

Jornalista: Nelia Borges

Editór     : Rafy Belo

HAKEREK NO HATÁN

Please enter your comment!
Please enter your name here