Matebian Amu João de Deus, SDB. Imajen/Espesiál

DILI, 23 setembru 2019 (TATOLI)Molok Padre João de Deus, SDB, husik hela mundu ne’e no husik sarani tomak Timor-Leste nian, inklui husi família boot Salezianu sira, nia hato’o hela pedidu ikus ba saserdote Salezianu sira, atu haloot nia isin mate hamutuk ho misionáriu sira seluk iha Semitériu Waibeana, Fatumaca, Baucau.

Notísia Relevante : Estadu Presiza Rekoñese Amu João de Deus, SDB

Misionariu na’in tolu ne’ebé hakoi uluk ona iha Sémiteriu Waibeana, Fatumaca, Baucau, mak hanesan Amu Afonso Nacher, SDB, Irmaun José Kusy, SDB, ho Irmaun Carlos Gambra. Imajen/Espesiál

Membru Konsellu Provinsiál Salezianu, Pe. Manuel Pinto, SDB, informa, mate isin Amu João de Deus, SDB nian ba haloot iha Fatumaca tanba molok mate, nia rasik mak husu ba Salezianu sira atu hakoi hamutuk ho maluk misionáriu sira seluk ne’ebé mak mate uluk no hakoi iha Semitériu Waibeana, Fatumaca.

“Amu rasik mak hakarak hakoi hamutuk ho misionáriu seluk no hamutuk Salezianu sira,” informa Amu Manuel Pinto, iha ámbitu haderan mate isin Amu João de Deus nian iha  Kapela Don Bosco, Comoro, Dili, domingu (22/09/2019).

Diretór Comunidade Casa Pos Novisiado (CPN), Comoro, amu João de Deus, SDB, fó ona nia kontribuisaun ba luta no edukasaun ba foin sa’e sira liu husi misaun Salezianu.

Iha biban hanesan, Dom Virgilio do Carmo da Silva, SDB, mós tenik, buat ne’ebé Amu João de Deus, hameno hela ba Amu Eligio Locateli, SDB, mak  bainhira nia mate karik hakoi hamutuk ho maluk misionáriu sira seluk no povu sira iha Fatumaca.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here