Padre João de Deus, SDB. Imajen/Espesiál

DILI, 23 setembru 2019 (TATOLI) – Mariano Assanami Sabino, reprezenta jerasaun foun iha palku polítika no nu’udar Prezidente Partidu Demokratiku (PD-sigla portugés) husu ba Estadu Timor-Leste atu rekoñese no dignifika matebian Padre João de Deus, SDB, ne’ebé mak fó kontribuisaun ba Timor durante tinan 61 nia laran.

Notísia Relevante : Familia Salezianu Lokon Pioneiru Di’ak Ida

Prezidente Partidu Demokrátiku (PD), Mariano Assanami Sabino. Imajen/António Gonçalves.

Mariano Assanami Sabino, juventude rezisténsia husi organizasaun estudante RENETIL fó mós sasin katak, ho Amu João de Deus, SDB, nia mate lori triste boot ba família Salezianu, inklui mós sarani no povu Baucau, Fatumca, Laga ho Quelicai.

Iha tempu okupasaun Indonézia nian, Mariano Assanami Sabino, hateten Amu João de Deus, apoiu serbisu Frente Klandestina nian hodi tulun no próteze juventude timoroan, inklui FALINTIL balun husi persegisaun no husi mate nia laran.

“Amu hot-hotu iha Timor liuliu ba amu João de Deus, SDB hanesan amu ida ne’ebé dedika nian aan tomak husi ba rai ida nee husi tempu kolonializmu Portugés, okupasaun Indonézia no tempu ukun aan,” tenik Assanami.

Ohin, Assanami hatutan, Timor lakon asuwa’in ida, igreja katólika mós lakon ida nee, liuliu ba parte leste nian konsidera hanesan aman ida ne’ebé di’ak tebetebes hodi hamaluk sira iha tempu difisil nia laran to’o nia hakotu iis.

“Ita hot – hotu fó valor ne’ebé ás tebes, hanesan asuwa’in hot hotu mate tanba fó mós kontribuisaun ba independénsia TL, liuliu iha situasaun difisil hodi subar ema oi oin, halo koneksaun ho FALINTIL sira iha ai-laran,” hateten Mariano Assanami.

Membru PN husi Bankada FRETILIN, David Dias Ximenes “Mandati”. Imajen/ António Goncalves

Iha biban hanesan, membru Parlamentu Nasionál husi Bankada FRETILIN, David Dias  Ximenes “Mandati”, konsidera, durante Amu João de Deus, SDB, nia prezensa iha Timor-Leste hala’o kumpre duni  Mandamentu Don Bosco nian hodi sai mestre no aman ba Timoroan sira iha tempu difisil no susar nia latan to’o nia hakotu iis.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here