Jenerál Peter John Cosgrove ne'ebé lidera misaun INTERFET iha Timor tinan 1999. Imajen Espesiál

DILI, 19 setembru 2019 (TATOLI)-Eis-komandante INTERFET, Peter Cosgrove hateten katak hamriik hamutuk ho povu timoroan sira, iha komemorasaun tinan 20 INTERFET nian nu’udar veteranu. Komprende tebes luta ne’ebé povu Timór hasoru.

“Tinan 20  liubá ha’u lee buat barak kona-ba Timór no previlejiu tebes ba ha’u atu mai Timor- Leste hodi haree oinsá Timor-Leste sira hili independénsia atu sai nasaun ida,” hateten Eis-Komandante, Peter Cosgrove ba jornalista sira iha otel Novo Turizmu Lesidere, ohin.

Veteranu Australianu ne’e haktuir, iha tinan 20 liubá nia to’o iha Timór iha loron 19 no haree sidade ahi han maibé depois tinan 20 liu nia haree iha mudansa tanba iha konstrusaun barak, iha edifísiu sira ne’ebé di’ak tebes.

Iha biban hanesan perante jornalista sira Peter hateten, nia iha konfiansa Timór sei iha futuru di’ak liután. “Timoroan sira-nia aten brani, forte tebes, ha’u iha konfiansa katak timoroan sira sei avansadu sei iha futuru di’ak, liuliu iha área saúde, edukasaun no oportunidade servisu ba timoroan sira sei barak,” espera Eis-Komandante INTERFET, Peter Cosgrove.

Entretantu, iha Serimónia Aniversáriu INTERFET ba dalaruanulu ne’e hala’o iha Palácio do Governo.

Notísia relevante:Veteranu INTERFET Sente Privilejiadu Bele Ajuda Ona Timor-Leste

Jornalista:Nelia Borges

Editór .     : Rafy Belo

HAKEREK NO HATÁN

Please enter your comment!
Please enter your name here