Estudante timoroan sira ne’ebé mak sei ba kompete iha Malázia. Foto TATOLI: Tomé Amado

DILI, 19 setembru 2019 (TATOLI) – Estudante Sekundáriu na’in lima ne’ebé selesionadu reprezenta eskola hotu iha Timor-Leste, ohin, sei dezloka ba Malázia hodi ba halo kompetisaun kona-ba siénsia no matemátika.

Antes dezloka, estudante na’in lima ne’e hetan subsídiu husi Ministériu Edukasaun, Juventude no Desportu (MEJD) ho valór orsamentu dolár rihun 10.

Koordenadór Ekipa husi ASSTI ( Assosiation Sience Thecnology of Inovation) Charles F. Guterres, ba Ajénsia TATOLI, hateten oráriu loloos dezlokasaun estudante na’in lima ne’e nian monu iha loron 17 setembru 2019 maibé tanba sei hein prosesu finanseiru Ministériu nian entaun oráriu ne’e adia ba 19 setembru, mak foin bele aranka ba Malázia.

“Ita-nia estudante na’in lima ne’e posiblidade ona sei dezloka ba Malázia iha loron 19 setembru oras ruku 13.30 ho aviaun Citilink. To’o iha Bali deskansa uitoan depois tuku 19:20 aranka kedas ba Malázia,” tenik Koordenadór Ekipa Charles F. Guterres, horseik.
Koordenadór ne’e dehan estudante na’in lima ne’e to’o iha Malázia kalan no sesta dader sira halo kedas “glady” hamutuk. Tan ne’e laiha tempu ba estudante sira atu deskansa tanba viazen ne’e tarde ona.

Nu’udar responsável ba ekipa, Charles ladún kontente tanba loloos presija tempu ba estudante na’in lima ne’e atu halo adaptasaun. Maske nune’e, nia iha korazen nafatin atu estudante sira ne’e bele komprende kondisaun no situasaun reál iha Malázia.

Notísia relevante:Estudante Eskola Sekundária Haat Selesionadu Sei Kompete Ho Estudante Husi País 120 Iha Malázia

Jornalista : Tomé Amado
Editór.        : Rafy Belo

HAKEREK NO HATÁN

Please enter your comment!
Please enter your name here