iklan

EKONOMIA, HEADLINE

Hahú Aban DNTT Emite Ona Karta Kondusaun Orijinál

Hahú Aban DNTT Emite Ona Karta Kondusaun Orijinál

Foto/Google.

DILI, 16 setembru 2019 (TATOLI) – Xefe Departamentu Karta Kondusaun Diresaun Nasionál Transporte no Terrestre (DNTT) Ministériu Transporte no Komunikasaun (MTK), Florentina de Jesus Pereira, informa hahú aban (17/09), DNTT emite ona karta kondusaun orijinál.

“Ami ohin simu informasaun katak karta orijen kompañia komesa prodús ona no orsida sira bele lori mai, no komesa aban, ita iha ona karta kondusaun orijinál hodi oferese ba iha ita-nia motorista”, dehan Xefe Departamentu Karta Kondusaun, Florentina de Jesus Pereira ba Tatoli via telefone, ohin.

Florentina de Jesus Pereira rekoñese katak durante ne’e iha problema boot ba karta kondusaun orijinál tanba motorista sira preokupa katak laiha karta kondusaun orijinál.

“Maluk sira durante ne’e kestiona maka’as kona-ba karta kondusaun to’o agora seidauk iha no ami simu lian to’o baruk, maibé ho informasaun ne’ebé ohin mai ne’e ami sente kontente tanba aban bá oin ita iha ona karta kondusaun ida ne’e bele responde ona ba iha preokupasaun públiku nian”, nia dehan.

Xefe Departamentu Karta Kondusaun ne’e realsa ho ida ne’e, aban, ba maluk sira ne’e maka mai halo karta kondusaun bele iha ona.

Enkuantu ba sira ne’ebé maka foin ba prosesa ka foin atu hetan kartaun kondusaun ne’e depois de semana ida tuir prosedimentu normál.

Notísia relevante : Konkursu ba Produsaun Blanku Karta Kondusaun no Xapa Matríkula Orijinál Konklui Ona

Jornalista : Natalino Costa

Editora : Maria Auxiliadora

iklan
iklan

Leave a Reply

iklan
error: Content is protected !!