Vise Xefe Estadu Maiór F-FDTL, Brigadeiru Jenerál, Falur Rate Laek hasai fotografia hamutuk ho Komandante foun Komponente Apoiu Servisu (KAS), Tenente Koronél Armindo Nunes no Komandante KAS sesante, Tenente Koronél Benedito Dias Quintas “Punu-Fanu”. Imajen/Mídia F-FDTL

DILI, 11 setembru 2019 (TATOLI)- Komandu FALINTIL-Forsa Defeza Timor-Leste (F-FDTL) kontinua hala’o serimónia transferénsia podér hodi fó fiar ba Tenente Koronél Armindo Nunes hodi troka Komandante Komponente Apoiu Servisu (KAS), Tenente Koronél Benedito Dias Quintas “Punu-Fanu”.

Notísia Relevante : Kapitaun João da Silva Troka Adão Brito Lidera Komponente Navál

Vise Xefe Estadu Maiór F-FDTL, Brigadeiru Jenerál, Falur Rate Laek hasai fotografia hamutuk ho Komandante foun Komponente Apoiu Servisu (KAS), Tenente Koronél Armindo Nunes no Komandante KAS sesante, Tenente Koronél Benedito Dias Quintas “Punu-Fanu”. Imajen/Mídia F-FDTL

Serimónia transferénsia podér servisu ne’ebé hala’o  ohin iha Base Komponente Apoiu Servisu Metinaro, asiste direita husi Vise Xefe Estadu Maiór F-FDTL, Brigadeiru Jenerál, Falur Rate Laek.

Xefe Estadu Maiór Falur Rate Laek, husu ba Komandante Komponente KAS foun, Koronél Armindo Nunes, atu hala’o knaar durante tinan rua bele dezenvolve servisu ho di’ak liután.

Falur hato’o agradese mós ba Komandante Benedito Dias Quintas “Punu-Fanu” nia knaar durante ne’e fó kontribuisaun makas dezenvolvimentu KAS.

“Agradese ba Komandu Komponente Apoiu Servisu Sesante Tenente Koronél Benedito Dias Quintas “Punu-Fanu” nia komanda durante tinan rua ba tolu ne’ebé lori mós susesu ba komponente ida ne’e no agradese mós ba asesór sira ne’ebé apoiu komponente ida ne’e,” hateten Falur iha nia diskursu.

Komandante Falur apela ba komandante foun Tenente Koronél Armindo Nunes, durante nia komanda iha komponente KAS, atu uza didi’ak nia kompeténsia ne’ebé atribui no lideransa ne’ebé iha hodi fó atensaun espesiál ba konsiderasaun bazika sira hanesan manutensaun dixiplina iha sirkunstánsia hotu-hotu. Atu nune’e bele garantia F-FDTL nia profisionalizmu iha públiku nia matan.

Tenente Koronél Armindo Nunes dos Santos ne’ebé uluk hanesan mós Xefe Repartisaun Aprovizionamentu iha Kuartél Jenerál Fatuhada, agradese ho knaar foun ne’e no orgullu  ba fiar husi Komandu hudi lidera KAS.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here