Ministra Edukasaun Juventude no Desportu, Dulce de Jesus Soares. Imajen Tatoli/ Egas Cristóvão

DILI, 11 setembru 2019 (TATOLI) – Ministériu Edukasaun, Juventude no Desportu (MEJD) garante katak sei rezolve preokupasaun profesór sira iha Postu Administrativu Ataúru, Munisípiu Dili kona-ba saláriu ne’ebé mak sei mínimu, iha tempu badak.

 Ministra Dulce de Jesus Soares informa ba jornalista Ajénsia TATOLI, depois ramata enkontru Konsellu-Ministru, iha Palásiu Governu, ohin, katak nia rasik seidauk simu informasaun detallada kona-ba preokupasaun profesór sira iha Ataúru relasiona ho saláriu ne’ebé sira simu. Maibé, nia sei buka meius atu hetan uluk informasaun hodi hatene klaru.

“Ha’u sei seidauk iha informasaun maibé ha’u sei buka hatene lai depois mak ha’u sei responde,” hateten Ministra Dulce de Jesus Soares.

Razaun, tuir ministra, seidauk responde profesór sira ninia preokupasaun tanba seidauk hetan informasaun husi dirasaun kompotente ne’ebé simu informasaun sira ne’e entaun nia hein relatóriu ruma kuandu tama ona relasiona ho asuntu salariál depois profesór sira sei hetan resposta.

Notísia relevante:Saláriu No Distánsia Sai Problema Ba Profesór Sira Iha EBC Biqueli

Jornalista: Tomé Amado

Editór     : Rafy Belo 

HAKEREK NO HATÁN

Please enter your comment!
Please enter your name here