Komandante Jerál PNTL, Faustino da Costa, ho nia Adjuntu dadalia ho jornalista sira iha Palásiu Prezidente Nicolau Lobato. Imajen/Cipriano Colo

DILI, 09 setembru 2019 (TATOLI) – Komandu Polísia Nasionál Timor-Leste  (PNTL) hatún ona ekipa ida hodi halo investigasaun kazu oknum membru Polísia Munisípiu Baukau ne’ebé baku lisuk joven ida ho kondisaun lanu todan.

Notísia Relevante : Search Ministru Ministru Filomeno “Hirus” Oknum Polísia Kontinua Baku Joven

Komandante Jerál PNTL, Komisáriu Polísia Faustino da Costa, esklarese investigasaun ba kazu ne’e ekipa Departamentu Justisa PNTL konklui rezulta investigasaun foin aprezenta ba Komandu PNTL hodi foti desizaun.

“Agora ekipa investigasaun ba ona investiga kazu ne’e tuir lei loron 15 sira konklui rezultadu investigasaun foin komandu haree hodi foti desizaun”, afirma Komandante Faustino, ohin, ba jornalista iha Kuartél Jerál PNTL, Kaikoli.

Joven ida ne’ebé oknum polísia sira baku ho kondisaun lanu todan bainhira atu asiste jogu futeból Festival Nasionál Desportu (FND) 2019 iha Estádiu Munisipiu Baukau nia oin iha loron 2 Setembru 2019.

Antes ne’e, Ministru Defeza no Ministru Interior Interinu, Filomeno da Paixão de Jesus, hateten, nia  lamenta tebes  ho atuasaun oknum polísia hodi forsa baku joven ne’ebé ho kondisaun lanu todan.

Jornalista         : Eugénio Pereira 

Editór                 : Francisco Simões

HAKEREK NO HATÁN

Please enter your comment!
Please enter your name here