Komunidade okupa livremente Lagoa Tasi Tolu hodi harii uma. Imajen/Osória A. Marques

DILI, 03 setembru 2019 (TATOLI) – Governu liuhusi Diresaun Nasionál Terras no Propriedade (DNTP)  sei toma atensaun sériu ba komunidade hirak ne’ebé kontinua okupa zona protejidu, liuliu hirak ne’ebé harii ona uma iha area Lagoa Tasi Tolu ho area João Paulo II.

Notísia Relevante : Komunidade Okupa Livremente Lagoa Tasi Tolu

“Oras nee DNTP hein hela Sistema Nasionál  Kadastru (SNC-sigla portugés) ne’ebé mak halo hela levantamentu dadus kona ba rejistu total rai iha Dili laran hotu no fó sai ona rezultadu mak tempu badak PNTP sei halo identifikasaun iha terrenu hodi haree kona ba rai hotu ne’ebé mak pertense ba estadu,” hateten  Diretór Nasional Terras e Propriedade (DNTP), Francisco R. Borges, ba Ajénsia TATOLI, iha nia knaar fatin DNTP, foin lalais ne’e.

Hatán kona ba populasaun ne’ebé mak halo uma sein koñesimentu husi estadu no kontinua okupa rai estadu iha Lagoa Tasi Tolu,  Francisco Borges esplika,  Ministériu relevante sira, hanesan Ministériu Obra Públikas, Meiu Ambiente no Estadu, Ministériu Justisa liu husi Sekretaria Terras no Propriedade tenke servisu hamutuk atu haree ba kestaun nee.

Notísia Relevante : DNTP Sei Toma Atensaun ba Okupante Zona Protezidu iha Lagoa Tasi Tolu

DNTP sei halo mós identifikasaun ba fatin hirak ne’ebé mak laiha autorizasaun no konsidera la tuir lei. Atu dehan de’it katak, ema sira ne’ebé mak okupa rai estudu, kuandu sai hetan mós indemnizasaun no mós fatin ne’ebé mak propoin ba sira hodi hela ba mak Hera no seluk tan.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here