Komunidade okupa livremente Lagoa Tasi Tolu hodi harii uma. Imajen/Osória A. Marques

DILI, 27 agostu 2019 (TATOLI)-Komunidade sira ne’ebé hela iha área Tasi Tolu nian, liuliu iha Lagoa Tasi Tolu okupa ona zona protejida refere hodi harii uma tama to’o ona lagoa ibun.

Notícia Relevante : DNTP Sei Toma Atensaun ba Okupante Zona Protezidu iha Lagoa Tasi Tolu

Xefe Suku Comoro, Eurico da Costa de Jesus. Imajen/Osória A.Marques

Xefe Suku Comoro, Eurico da Costa de Jesus, nia parte halo ona levantamentu hodi identifika komunidade sira ne’ebé ‘livremente’ harii uma iha Lagoa Tasi Tolu nian.

“Ami iha ona levantamentu dadus ba prosesamentu ida hanesan ne’e ba komunidade sira ne’ebé mak kontinua okupa rai estadu hanesan Lagoa Tasi Tolu I, II,  to’o III, inklui iha foho leten sira,” hateten Xefe Suku Eurico da Costa de Jesus, hodi responde TATOLI iha nia servisu fatin, segunda (26/08/2019).

Notísia Relevante : MOP Identifika Área Risku Erosaun iha Trosu Tasi Tolu-Tibar

Nia informa mós katak, Governu liuhusi Ministériu Obras Públika (MOP),  Diresaun Nasionál Terras no Propriedades,  inklui autoridade lokál halo ona observasaun direita ba komunidade sira ne’ebé halo uma iha zona protejidu Lagoa Tasi Tolu nian.

Uma harii tama to’o Lagoa Ibun Nasi Tolu. Imajen/Osória A. Marques

“Tuir loloos informasaun kona ba komunidade ne’ebé mak hela ka konstrui uma iha área Lagoa Tasi Tolu nian parte autoridade lokál hanesan ami ne’ebé servisu iha suku sira ne’e tenke hatene  nune’e kuandu estadu husu ami bele resposta, maibé kestaun okupa rai ne’e ami mós hatene husi média, ne’e estadu mak bele regulariza ho lei,” Xefe Suku Eurico hateten.

Nia husu ba komunidade sira ne’ebé mak uza ka konstrui uma iha Tasi Tolu no arredores Lagoa Tasi Tolu I, II no III nian katak hela temporária iha fatin refere ne’e, maibé kuandu estadu iha planu atu uza fatin ne’e ba turizmu, husu atu hothotu nia kontribuisaun hodi bele dezenvolve nasaun doben ida ne’e ba futuru.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here