Jardín B.J. Habibie iha Faze konstrusaun. Imajen/Osória A.Marques

DILI, 02 setembru 2019 (TATOLI)-Sekretáriu Estadu Protesaun Sivíl (SEPS), Alexandrino Araújo, hatete, sei koloka pesoál seguransa sivíl ba iha Jardín B.J. Habibie ho Jardín 12  Novembru Motaél  tuir pedidu Autoridade Munisípiu Dili.

Notísia Relevante : Munisípiu Dili Koloka Seguransa iha Jardín B.J. Habibie

Sekretáriu Estadu ba Protesaun Sivíl,
Alexandrino de Araújo. Imajen/António Gonçalves

“Ida ne’e la’ós kompeténsia Sekretáriu Estadu Protesaun Sivíl  nian, maibé karik pedidu liuhusi servisu koordenasaun  husi Munisípiu Dili husu mai  ami prontu koloka membru fó seguransa ba  jardín foun sira iha Dili laran,” hateten Sekretáriu Estadu, Alexandrino Araújo, ohin, iha ninia servisu fatin, Caicoli, Dili.

Diresaun Nasionál Seguransa Patrimóniu Públiku (DNSPP), daudaun iha pesoál seguransa hamutuk 1.700-resin hodi fó seguransa ba edifísiu públiku estadu nian iha territóriu.

Governante rekoñese maske daudaun ne’e,  númeru pesoál seguransa la sufisiente maibé  sei  koordena ho DNSPP  atu jere rekursu ne’ebé  iha  hodi koloka ba fatin públiku sira iha Dili.

Iha parte seluk, Governante informa daudaun ne’e ekipa servisu Bombeiru kontinua hola responsabilidade hodi rega jardín Largo Lecidere, 5 de Maiu Colmera, Jardín 12 de Novembru Motaél, Jardín B.J. Habibie no jardín ki’ik sira iha estrada públiku.

Jornalista         : Nelson de Sousa

Editór                : Francisco Simões

 

HAKEREK NO HATÁN

Please enter your comment!
Please enter your name here