Jardín 12 Novembru, Motaél, Dili. Imajen foti husi kronolojia Facabook Caetano

DILI, 02 setembru 2019 (TATOLI)-Komité 12 Novembru (K12N-sigla portugés) prefere atu Governu atu saran ‘hanaran’ Jardín Motaél ho naran Saudozu Sebastião Gomes.

Notícia Relevante: Jardin Motaél Tuir Dezeñu Governu

Prezidente K12N, Gregorio Saldanha, hatete, K12N laiha koñesimentu husi Governu no Kompañia  ba projetu konstrusaun jardín Motaél ho naran 12 de Novembru.

“Membru Komité 12 Novembru no ha’u rasik la konkorda ho naran  Jardín 12 Novembru,  Motaél tanba la tuir realidade no kronolojia akontesimentu ho istória ne’ebé akontese liu ba,” lamenta Presidente K12N, Gregorio Saldanha, hodi responde Ajénsia TATOLI, ohin, iha sede K12N,  Balide, Dili.

Nia hateten, loloos tenke tau naran saudozu Sebastião Gomes,    tanba husi akontesimentu saudozu ninia mate maka provoka joven barak ninia asaun hodi fó  solidariedade to’o  hamosu masakre 12 Novembru 1991 iha Santa Cruz, Dili.

Gregorio triste ho desizaun Governu no kompañia hodi implementa projetu ne’e tanba la hakerek istória ho loloos.

Jornalista         : Nelson de Sousa

Editór                : Francisco Simões

HAKEREK NO HATÁN

Please enter your comment!
Please enter your name here