DILI, 02 setembru 2019 (TATOLI)-Ezekusaun projetu fíziku ba Jardin 12 Novembru, Motaél , Dili, bazeia ba dezeñu husi Ministériu Turizmu Komérsiu no Indústria (MTKI).
Responsavel Kompañia ALGIS ENG. CONSULTANCY. UNIP. Lda, Isolino da Cruz, hatete, letra Jardin 12 de Novembru, la’ós inisiativa kompañia nian, maibé haktuir ba orientasaun dezeñu husi MTKI nu’udar projetu nia na’in.
Ba ajénsia TATOLI, ohin, iha Motaél, Isolino da Cruz, esklarese katak, durante prosesu implementasaun projetu ne’e la hetan intervensaun husi grupu ka indivíduu balun hodi hato’o protestu no kontinua hetan observasaun husi ekipa MTKI.
Projetu ne’e ho valor orsamentu $95.000,00 ne’e ninia prosesu ezekusaun hahú iha 31 jullu no tenke termina ona iha loron 7 setembru 2019.
Jornalista : Osório A. Marques
Editór : Francisco Simões
