La´o ba dame. Foto: HWPL

DILI, 22 agostu 2019 (TATOLI)-Organizasaun internasionál ne´ebé asosiadu ba Departamentu Komunikasaun Globál ONU (Organizasaun Nasaun Unida) ho sigla HWPL (Heaven World Peace) hamutuk ho nia afialiadu sira hanesan IWPG (International Women’s Peace Group)  no IPYG (International Peace Youth Group) sei realiza konferénsia internasionál kona-ba dame iha Timor-Leste.

Kooperasaun konjunta ba sosiedade pasífika ne´e sei realiza durante loron rua, hahú dia 6 to´o7 setembru fulan oin. Dia 6 sei realiza iha salaun Ministériu Solidariedade Sosiál no Inkluzaun, Kaikoli no dia 7 iha Sekretáriu Estadu, Juventude no Desportu (SEJD), Lecidere.

Konferénsia ne´e nu´udar parte ida husi konferénsia dame mundiál nível altu nian ne´ebé hala´o ona mós iha  fatin liu 130 iha nasaun 87 hanesan Burundi, Korea Sul, Fransa, Austrália, Rusia, India, Zambia no Estadu Unidu Amérika (EUA).

Konferénsia nível altu iha Timor-Leste, tuir komunikadu HWPTL diriji ba Ajénsia TATOLI, kinta (22/08/2019) katak sei introdús kampaña internasionál ba lei internasionál, ba dame globál no kampaña surat dame nian ba reprezentante sosiál husi polítiku, relijiozu, foinsa´e feto no mane, edukadór no mídia sira. Sei iha mós tempu atu hakerek surat dame nian atu apoiu implementasaun DPWC.

Projetu dame nian ne´e hahú ona dezde 2014 atu halo advokasia ba konstrusaun dame globál ho hetan lian koletivu sidadaun globál nian iha dia 6. Tuir mai, iha dia 7 sei iha jogu futebol dame nian nu´udar turnamentu atu koopera malu entre organizasaun sira.

Tuir Jonato dos Santos Luciano, ne´ebé prepara eventu ne´e ho serbisu hamutuk ho HWPL nu´udar voluntáriu ba Institutu Dame no Estudu Konflitu (IPCS-sigla inglés) hateten: “Foinsa´e timoroan sra iha inisiativa boot atu harii dame tanba ami hakarak alkansa lialoos, liberdade, igualidade, oportunidade no demokrasia. Tan ne´e, ami haka´as aan atu promove dame no serbisu hamutuk atu hasa´e edukasaun dame nian ho atividade dame nian hamutuk ho organizasaun juventude iha Timor-Leste tomak”.

Nia hatutan: “Eventu ne´ebé ami prepara ho HWPL ne´e festival futebol no dame. Ha´u espera atu promove futebol dame nian ka desportu dame nia mak kria kompetisaun amizade no dezenvolve relasaun entre joven sira nune´e beçe kria dame”.

Nu´udar sentru ba advokasi ba dezenvolvimentu dame nian, DPWC ne´ebé ho signifikasaun Deklarasaun Dame no Hapara Funu (DPWC-sigla inglés) elabora husi peritu direitu internaionál serbisu hamutuk ho HWPL nu´udar dokumentasaun kompriensivu kona-ba prinsípiu dame nian ne´ebé nesesita iha tempu ohin loron liuhusi aproximasaun ekskluziva ba solusiona konflitu.

“Iha deklarasaun refere, ne´e konsiste prinsípiu sira hanesan promosaun relasaun amizade entre nasaun, etapa rezolusaun konflitu, atividade baze husi komunidade sívil atu apoiu no asegura dame sein funu,” refere tan komunikadu ne´e.

 Entretantu, organizasaun uma-na´in HWPL, mós koñesidu nu´udar kultura selestiál (lalehan nian), dame mundiál, juga dikenal sebagai Budaya Surgawi, Perdamaian Dunia, Restaurasaun Naroman, mak Instituisaun Rekursu Umanu dame Internasionál ho Estatutu Konsultivu Espesífiku ho Konsellu Ekonomia no Sosiál ONU (ECOSOC no relasiona ho (DGC) ONU nian.

Jornalista: Nelia Rosario

Editór     : Rafy Belo

HAKEREK NO HATÁN

Please enter your comment!
Please enter your name here