Primeiru-Ministru Vanuatu, Carlot Salwai. Foto: Google

DILI, 28 agostu 2019 ( TATOLI)-Ministériu Negósiu Estranjeiru no Kooperasaun (MNEK), Dionísio da Costa Babo Soares informa katak Primeiru-Ministru Vanuatu, Carlot Salwai, ohin dader, to’o ona iha Timor-Leste ho aviaun Air north, hodi partisipa komemorasaun tinan 20 Konsulta Populár.

“Primeiru-Ministru de Vanuatu mak foin to’o, sira muda derrepente ita-nia oráriu, sira foin mak to’o mai. Klaru, orsida sei ajusta programa ho sira nia vinda ne’e,” hateten Ministru Dionísio Babo, iha Hotel Timor, kuarta ne’e.

“Depois ita haree to’ok saida mak bele halo para iha durante loron tomak ida ohin sira bele prienxe,” reforsa tan diplomata timoroan ne’e.

Ministru Dionísio Babo hateten tan katak, “Ohin ita-nia informasaun ohin ne’e mak Primeiru Ministru de Vanuatu. Aban mak sei mai tuituir malu ho Primeiru-Ministru sira seluk maibé ita rona katak iha ekipa avansada sira seluk foin to’o mai husi fatin barak”.

Notísia relevante:Carolina Larriera: “Ha’u Orgullu Hamutuk Fali Ho Timoroan”

Jornalista : Nelia Fernandes

Editór       : Rafy Belo

HAKEREK NO HATÁN

Please enter your comment!
Please enter your name here