Prevedora Direitu Ema-nian no Justisa, Jesuina Maria Ferreira Gomes. Imajen Egas Cristovão

DILI, 27 agostu 2019 (TATOLI)-Provedoria Diretu Umanu no Justisa (PDHJ-sigla Portugés) liuhusi ninia relatóriu trimestrál, ohin, husu ba Ministru Estadu Koordenadór ba asuntu Ekonómiku (MECAE-sigla Portugés),  atu kompleta estrutura ba kargu Xefia iha Autoridade Inspesaun no Fiskalizasaun Atividade Ekonómika, Sanitária no Alimentár  (AIFAESA), Instituto Públiku (IP),  hodi garante funsionamentu instituisaun.

Notísia Relevante : PDHJ Rekomenda Kapasita Membru PNTL iha Protesaun Direitu Umanu

Provedora Diretu Ema Nian no Justisa (PDHJ), Jesuina Maria Ferreira Gomes, hatete, bazeia ba lansamentu relatóriu monitorizasaun no investigasaun faze da-ruak 2019 Maiu to’o Jullu identifika instituisaun ne’e seidauk kompleta ninia kargu xefia balun.

PDHJ rekomenda  mós presiza   kria  rejimentu internu AIFAESA, harii laboratóriu no armazén própriu, rekruta funsionáriu tenke tuir mapa nesesidade no garante transparénsia hodi evita Korrupsaun Koluzaun no Nepotizmu (KKN).

Kona-ba keixa abuzu podér no ilegalidade hasoru Koordenadór  AIFAESA, ne’ebé akontese iha 2 Abril 2019  hodi asume kargu mós hanesan Inspetór Jerál, Provedora PDHJ ne’e informa, la viola lei tanba Koordenadór asume funsaun ne’e bazeia ba despaxu Primeiru-Ministru hodi garante funsionamentu instituisaun.

Kazu seluk maka prosesu rekrutamentu funsionáriu foun AIFAESA nian mosu indikasaun KKN tanba kandidatu ne’ebé la pasa iha teste maibé instituisaun ne’e bolu hodi servisu.

“Akontese violasaun ba governasaun iha kategoria ilegalidade material tanba iha kandidatu ne’ebé  la selesionadu maibé  respondente bolu hodi ba servisu iha AIFAESA,” klarifika Provedora Jesuina.

Jornalista         : Nelson de Sousa

Editór                : Francisco Simões

HAKEREK NO HATÁN

Please enter your comment!
Please enter your name here