Rivio Construction Pinta Kapela João Paulo II
DILI, 26 agostu 2019 (TATOLI)-Ministériu Turizmu Komérsiu no Indústria (MTCI-sigla portugés), fó fiar ba kompañia Rivio Construction Lda, hodi pinta edifísiu no eskada Kapela São João Paulo II, Tasi-Tolu, Dili.
Notísia Relevante: Governu Aloka Rihun $92 Reinstala Eletrisidade iha João Paulo II
Diretór Kompañia, Nazario Aparicio Guterres, informa ba Ajénsia TATOLI katak, alende pinta edifísiu no eskada, kompañia mós sei taka dalan ko’ak sira iha área João Paulo II nian.
“Kontratu ho montante orsamentu rihun 20 dolar Amérika hodi halo manutensaun ba pintura, hadi’a lampu inklui kapela laran hodi responde ba nesesidade governu ba preparasaun 30 Agostu,” hateten Nazario Aparicio Guterres, ohin.
Diretór kompañia ne’e, garante loron rua tan sei finaliza servisu refere hodi entrega ona ba Governu.
Jornalista : Osória A. Marques
Editór : Francisco Simões
