iklan

DEFEZA

Polisia Militár Prontu Asegura Bainaka VIP

Polisia Militár Prontu Asegura Bainaka VIP

Formatura membru F-FDTL. Imajen/António Gonçalves

DILI, 22 agostu 2019 (TATOLI) –  Komandante Unidade Polisia Militár (PM), Majór Abel da Costa Xavier “Niki” garante katak, membru Polisia Militár preparadu atu asegura seguransa ba bainaka importante sira (VIP-sigla inglés) iha festa komemorasaun konsulta populár, 30 agostu 2019.

Notísia Relevante : F-FDTL Preparadu Asegura Bainaka Internasionál Sira iha 30 Agostu

“Ha’u hanoin, iha primeiru lugar ami halo hela preparasaun ba seguransa pesoál liuliu ba Xefe Estadu sira,” hateten Majór Niki, ohin, hodi responde Ajénsia TATOLI  iha Kuartél Polisia Militár, Quintal Boot, Dili.

Majór Niki hateten, preparasaun ein-jerál efetivu tebes no husi komandu Polisia Militár rasik prepara ona pelotaun rua ne’ebé mak sei halo seguransa di’ak liu ba bainaka espesiál sira.

Hatán ba ekipamentu no fasilidade hodi uza iha loron konsulta popular mak batedór (motor tránzitu) hot-hotu iha ofisina hodi halo manutensaun no ualu mak di’ak ona no hein de’it atu uza iha loron ne’ebá.

Kona ba karreta, Niki hateten, sei problema maibé rona husi komisaun organizadora katak sira mak sei prepara karreta ba Polisia Militár no seidauk hatene karreta hira mak fó ba Polisia Militár.

Jornalista : Domingos Piedade Freitas

Editór       : Francisco Simões

iklan
iklan

Leave a Reply

iklan
error: Content is protected !!