Ofisiaias F-FDTL iha selebrasaun Aniversariu FALINTIL ba dala-44 iha Kuartél Jenerál F-FDTL, Fatuhada, Dili, 20 Agostu 2019. Imajen/António Gonçalves

DILI, 22 agostu 2019 (TATOLI) –Komandante Polisia Militár (PM), Majór Abel da Costa “Niki” apela ba juventude sira atu hakmatek no kontribui ba pás hodi asegura estabilidade iha festa istóriku konsulta populár ba dala-20 (30 agostu 1999-30 agostu 2019).

Notísia Relevante : Polisia Militár “Alerta” ba Joven Sira La Bele Lanu iha Estrada Ibun

Komandante Polisia Militár, Majór Abel da Costa Xavier “NIKI”. Imajen/Eugénio Pereira

“Ha’u apela ba juventude sira atu hakmatek hodi hanoin halo reflesaun ba istória ne’ebé mak liu ona iha tinan 20 hodi halakon povu barak nia vida”, hateten Majór Niki ba Ajénsia TATOLI, ohin, Kuartél Polisia Militár, Quintal Boot, Dili.

Majór Niki afirma katak, kuandu  juventude sira mete tun-sa’e problema oi-oin iha rai laran mak Polisia Nasional Timor Leste no Forsa Defeza Timor-Leste mak sei kaer no sulan iha prizaun Becora.

Notísia Relevante :Majór Jenerál Lere Orienta Polisia Militár Envolve Iha Operasaun Ba Grupu Ilegál 

“Dala ida tan apela ba imi, atu prepara imi nia aan ba futuru atu lori nasaun ba oin, maibé lakohi kuidadu imi nia-aan maka imi nia futuru sei sai la di’ak,” hateten Majór Niki.

Jornalista : Domingos Piedade Freitas

Editór       : Francisco Simões

1 KOMENTÁRIU

  1. Lalika husu maka joven atu hakmatek
    Husu mos ba lider sira atu hamutuk hodi hakotu impase politika hodi bele kri emprego hodi responde ba nesesidade joventude nian

HAKEREK NO HATÁN

Please enter your comment!
Please enter your name here