Komandante Polisia Militár, Majór Abel da Costa Xavier "NIKI". Imajen/Eugénio Pereira

DILI, 22  jullu 2019  (TATOLI)- Xefe Estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál Lere Anan Timur, hatún ona karta orientasaun ba Komandu Unidade Polisia Militár (PM) atu kolabora ho Polisia Nasionál Timor-Leste (PNTL) hodi envolve iha operasaun ba  buka tuir suspeitu no grupu ilegál sira ne’ebé komete krime omisídiu iha Aldeia Baura, Suku Leorema, Postu Administrativu Bazartete, Munisípiu Liquiça.

“Agora iha ona mandadu. Komesa Tersa aban (23/07/2019) ba oin, halo ona operasaun ba kaer sira ne’ebé maka organiza krime oho malu iha Leorema,” informa Komandante Unidade Polisia Militár (PM), Majór Abel da Costa Xavier “NIKI” hodi responde Ajénsia TATOLI, ohin, iha nia servisu fatin, Edifísiu Polisia Militár, Quintal Boot, Dili.

Husi investigasaun ne’ebé Polisia halo konsege kaptura ona suspeitu balun ne’ebé komete krime omisídiu, maibé komunidade lubun to’o agora sei refujia ba Liquiça Vila  tanba trauma no ta’uk.

Notísia Relevante : Kazu Leorema, PNTL Kaptura Ona Suspeitu 12

Familia Uma Kain 53 Seidauk Fila Ba Leorema

Konfrontu Leorema Kontinua, Sunu Tan Uma 13 ho Motór Hitu

Konfrontu iha Baura, Joven Nain Rua Mate, Tolu Kanek no Uma Neen Hetan Sunu

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here