X-Ray. Foto/Google.

DILI, 21 agostu 2019 (TATOLI)-Mákina raiu-xís iha sala Very Important Person (VIP) Aeroportu Internasionál Nicolau Lobato funsiona hanesan baibain hodi halo operasaun ba sasán sira.

“Mákina x-ray iha sala VIP nian tékniku sira hadi’a ona no funsiona hikas dezde iha sábadu semana kotuk”, pesoál Ajénsia Nasionál Aviasaun Timor-Leste (ANATL), Fuciando Soares, ba Tatoli iha aeroportu Komoro, ohin.

Fuciando hatutan daudaun mákina x-ray iha sala VIP bele fasilita sasán sira bainhira VIP ka bainaka importante sira mai partisipa iha eventu konsulta populár nian.

Raiu-xís iha sala VIP aeroportu ne’e avaria iha fulan-jullu nia laran, nune’e husi parte Ministériu Transporte no Komunikasaun liuhusi ANATL komunika ho Ministériu Turizmu, Komérsiu no Indústria hodi apoia provizória x-ray rua ne’ebé iha ba aeroportu.

Notísia relevante : Mákina Raiu-Xís Iha Sala VIP Aeroportu Nicolau Sei Funsiona Hikas Iha Sábadu

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here