Raiu-Xís. Foto/Google.

DILI, 15 agostu 2019 (TATOLI)-Prezidente Konsellu Administrasaun Ajénsia Nasionál Aviasaun Timor-Leste (ANATL), Romualdo da Silva, garante katak mákina raiu-xís iha sala very important person (VIP) ne’ebé daudaun ne’e avaria sei funsiona hikas iha sábadu semana ne’e, nune’e bele halo operasaun ba sasán hodi bele fó asisténsia ba bainaka importante sira ne’ebé mai partisipa tinan 20 konsulta populár.

“To’o iha sábadu mákina x-ray ne’e sei funsiona, tanba ha’u ko’alia ona ho tékniku sira, orsida sira sei sobu no monta filafali, halo kaligrafi ne’e la’o ona, tanba ne’e espera katak ohin sira halo, aban kontinua, sábadu mákina x-ray iha sala VIP nian normál fali ona”, Romualdo afirma iha nian knaar fatin aeroportu Komoro, ohin.

Prezidente ANATL rekoñese mákina iha sala VIP nian avaria ona no ho inspesaun ne’ebé Ministru Transporte no Komunikasaun, José Agostinho da Silva, halo iha aeroportu halo kedan intervensaun imediata tanba ne’e importante.

Nune’e Ministériu Turizmu, Komérsiu no Indústria (MTKI) ho ANATL halo komunikasaun ba malu no haruka mós karta ida ba Ministru Turizmu, Komérsiu no Indústria interinu, Fidélis Magalhães, hodi bele apoiu mákina x-ray rua ne’ebé MTKI iha ba aeroportu.

“Ami iha mákina x-ray, maibé avaria no ekipamentu ne’e ami order mas lori tempu. Ohin ka aban tanba ne’e la’ós ita sosa iha Timór laran ne’ebé hola de’it iha merkadu, maibé ida ne’e ita bá hola iha Singapura, maibé seidauk to’o no prosesu ne’e ami la’o nafatin”, Romualdo salienta.

Notísia relevante : Molok Konsulta Populár, Mákina X-Ray Funsiona Hikas Iha Aeroportu Dili

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here