Parade ofisiaís F-FDTL. Imajen/TATOLI

DILI, 20 agostu 2019 (TATOLI)-FALINTIL-Forsa Defeza Timor-Leste (F-FDTL-sigla portugés) kontinua banati tuir valores FALINTIL iha tempu rezisténsia durante tinan 24 nia laran.

Notísia Relevante : Presiza Valoriza Loron FALINTIL Hanesan Loron Nasionál

“Liuhusi  komemorasaun loron FALINTIL ba dala-44 (20 agostu 1975-20 agostu 2019) atu fó hanoin hikas  fali iha prosesu funu, ne’ebé gerrilleiru FALINTIL barak mak lakon nia vida no mós ema ua’in ne’ebé mate no nunka  atu ta’uk ho prinsípiu ukun rasik aan,” hateten Xefe Estadu Maiór F-FDTL, Majór Jenerál Lere Anan Timur liuhusi nia diskursu iha selebrasaun aniversáriu FALINTIL, ohin, iha Kuartél Jenerál F-FDTL, Fatuhada, Dili.

Lere afirma katak, F-FDTL sei sai hanesan autór estabilizadór hodi fó tulun ba Polisia Nasionál Timor-Leste  (PNTL-sigla portugés) iha sirkunstánsia hotu-hotu.

Lere afirma, F-FDTL sei sai professional liu tan iha futuru ho governu nia tulun atu kapasita F-FDTL hodi bele garante estabilidade, la’ós de’it iha rai laran, maibé liu-liu iha fronteira marítima no fronteira terrestre.

Jornalista :Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here