DAA halo observasaun ba tanki bee moos iha Hera. Imajen/DAA

DILI, 15 agostu 2019 (TATOLI)- Servisu Agua no Saneamentu (SAS) liuhosi Departamentu Abastesimentu no Agua (DAA), ohin, halo levantamentu no observasaun ba distribuisaun bee moos iha Suku Hera, Munisípiu Dili, liu-liu observa mós kanu distribuisaun bee moos ne’ebé kauza hosi konstrusaun estrada Dili-Manatuto-Baucau.

Notísia Relevante : Prioridade Governu Iha 2020 Mak Bee Moos

Xefe Departamentu Abastesimentu no Agua (DAA), Francisco Xavier Pereira, hateten, levantamentu hodi buka hatene mós problema báziku ne’ebé komunidade enfrenta liga ho fornesimentu bee moos ba komunidade Hera.

“Ha’u sei ko’alia diretamente ho Xefe Suku no Xefe Aldeia parte Hera nian atu buka mekanizmu no solusaun atu ita nia komunidade Manleu-Hera, bele asesu ba bee moos,” Xefe Departamentu Abastesimentu no Agua, Francisco Xavier Pereira, informa   ba Ajénsia TATOLI, ohin, iha nia knaar fatin,  Caicoli, Dili.

Kauza hosi konstrusaun estrada Dili-Manatuto-Baucau halo konu distribuisaun bee moos ba komunidade sira iha Hera, liu-liu iha Manleu,  enfrenta la asesu bee moos tanba ne’e presiza foti medida no haree mekanizmu atu solusiona lalais.

 Jornalista  : Osória A. Marques

Editór        : Francisco Simões

HAKEREK NO HATÁN

Please enter your comment!
Please enter your name here