Reprezentante FAO, Paula Lopes, hato’o intervensaun iha lansamentu Sensu Agríkola 2019 iha resintu MAP, Komoro, tersa (13/9/2019). Foto/Jogerjo Guterres.

DILI, 13 agostu 2019 (TATOLI)-Ajénsia Internasionál Food and Agriculture Organization (FAO) ne’ebé hanesan mós parseiru ho Governu Timor-Leste hodi dezenvolve setór agrikultura iha esperansa boot katak susesu hosi Sensu Agríkola 2019 sei sai susesu ba nasaun nian.

Reprezentante FAO, Paula Lopes, hatete FAO mós sente onrandu tanba bele sai mós sasin ba realizasaun Sensu Agríkola 2019 iha Timor-Leste.

“Sente ondradu tanba bele hola parte iha serimónia lansamentu Sensu Agríkola no sasin ba Timor-Leste ba dahuluk hafoin besik tinan 20 hamriik hanesan nasaun independente”, Paula Lopes hatete liuhosi serimónia lansamentu Sensu Agríkola 2019 iha resintu MAP, Komoro, ohin.

“FAO organizasaun nasaun unida ba ai-han no agrikultura mak organizasaun inter governamentál ho mandatu atu servisu ho nasaun membru sira hodi luta ba alkansa seguransa alimentár no dezenvolvimentu agrikultura sustentavel nu’udar aliserse ba halakon hamlaha no má nutrisaun iha mundu”, katak.

Reprezentante FAO ne’e afirma, estabelese sistema estatístika agríkola no seguransa ai-han ne’ebé forte no kredivel sai pontu entrada importante ba ezekusaun mandatu FAO nian.

Nune’e, durante tinan barak FAO liuhosi kolaborasaun ho MAP no Diresaun Jerál Estatístika kontinua halo advokasia ba implementasaun sensu agrikultura ho objetivu bele rekolla informasaun ba estabelese liña baze jerál ba dezenvolvimentu setór agrikultura nian tuir evidénsia iha nasaun barak, sensu maka fó informasaun loloos kona-ba setór agrikultura nian hodi informa desizaun sira kona-ba investimentu oinsá loos mak presiza halo iha setór ne’e.

“Dadus hosi Sensu Agríkola ne’e mós sai sasukat ba parte hotu atubele monitoriza no avalia progresu no mudansa ne’ebé sei mai hosi investimentu sira ne’e iha futuru”, Paula subliña.

FAO sente orgullu bele hola parte iha serbisu preparativu hotu ne’ebé lori ona ita to’o mai pontu ida ne’e.

“Sensu agrikultura ne’e ezemplu kolaborasaun inter sektorál ida ne’ebé susesu duni ho rezultadu konkreta, tanba ne’e FAO apresia oportunidade no konfiansa hosi Governu hodi fó asisténsia téknika ba servisu hirak ne’e”, katak.

Notísia relevante : Sensu Agríkola 2019 Ofisialmente Lansa Ona

FAO Apresia Governu Tanba Deside Sensu Agríkola Sai Prioridade

Jornalista: Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here