Médiku Espesialista Kardiolojia HNGV, Cesaltino Leão. Foto: Felicidade Ximenes

DILI, 09 agostu 2019 (TATOLI)-Pasiente ne’ebé mak sofre ona moras fuan (kardíaka) iha HNGV (Ospitál Nasionál Guido Valadares-sigla portugés), fulan juñu ne’ebé hetan moras fuan mak mane hamutuk 209 feto hamutuk 151, totál 360.

Iha fulan jullu, mane hamutuk 337, feto hamutuk 201, totál 538. Pasiente ne’ebé mate ba moras fuan iha fulan juñu ema na’in 6 no fulan jullu ema na’in 8.

Dadus informasaun ne’e relata husi Médiku Espesialista Kardiolojia HNGV, Cesaltino Leão ba Ajénsia TATOLI, iha HNGV, kuarta liubá.

Médiku espesialista ne’e relata tan katak moras fuan maioria husi joven sira ho idade 20 ba leten, ne’ebé mak kauza moras fuan ne’e mai husi   tua sabu ka alkol no sigarru. Seluk, primeiru ita-nia tinan la’o daudaun ona entaun bele hetan risku. Segundu, komunidade ne’ebé mak fuma, han hahán la kontrola aan.

“Moras fuan ne’e ninia kauza oioin husi hahán ne’ebé han taka matan, la kontrola aan bokur demais, la halo ezersísiu, liuliu mak fuma sigarru. No Fuma sigarru impaktu maka’as tebes; sigarru nia impotente barak halo kankru ba ita-nia pulmaun no mós fuan,” esplika médiku espesialista kardiolójika timoroan ne’e.

Tanba ne’e, médiku ne’e sujere joven sira atu prevene antes no konsidera bainhira hetan moras fuan (kardíaka) ne’e prevene fuma no hemu tua (alkol) tanba moras fuan ne’e, tuir médiku ne’e katak perigu tebes.

Médiku Espesialista Kardiolojia HNGV, Cesaltino Leão esplika, ema ne’ebé moras ba fuan ne’e nia impaktu maka’as, ema barak mak sofre ona ba moras fuan ne’e rasik. No ema ne’ebé mak hetan ona moras, ne’e la hakbesik ba ospitál ka klínika, moras ne’e ba nafatin.

“Problema ita la sente moras, iha ona tinan sanulu no sanulu resin lima mai tan mak foin sente loloos katak moras fuan, maibé antes ba ospitál no doutór sira identifika moras aat mak barak ona”.

“Kuandu mosu (moras fuan) ba ita ho iis boot hanesan halo atividade ruma, sente kolen maka’as; ne’e moras komesa mosu.  Hein opera de’it maibé buat sira ne’e sente fasil hela maibé prevene antes kedas.

Notísia relevante:Governu Planea Estabelese Sentru Tratamentu Moras Kankru

Mane Adultu Porsentu 70 Konsome Tabaku

Jornalista:  Felicidade Ximenes

Editór    : Rafy Belo

HAKEREK NO HATÁN

Please enter your comment!
Please enter your name here