Xefe Sentru Saúde Atauro, Januário Domingos Cabeças Soares. Foto TATOLI: Felicidade Ximenes

ATAURO, 08 agostu 2019 (TATOLI)-Moras ne’ebé mak rejistu aas liu iha Sentru Saúde Atauro, hahú janeiru to’o juñu mak moras infesaun vias respiratória (ISPA-malaiu), movimentu intestinais agudos (tee-been), pneumonia, scabies (kudis-malaiu), moras kulit (dermatolojia) no ipertensaun (la iha).

Xefe Sentru Saúde Atauro, Januário Domingos Cabeças Soares informa ba Ajénsia TATOLI, kinta ne’e katak moras infesaun vias respiratória rejistu hamutuk 313 afetadu labarik tinan ida, tee-been hamutuk 68 afetadu ba labarik tinan 1-4, pneumonia hamutuk 22 afetadu ema-boot (adultu) tinan 15 ba leten no moras kulit hamutuk 52 afetadu ba ema ho idade 15-20 ba leten no ipertensaun zero.

Maske nune’e, xefe sentru saúde Atauro ne’e rekoñese katak ai-moruk sufisiente ba pasiente sira iha illa ne’e difikuldade mak transporte, liuliu transporte marítima tanba sira atu ba Diresaun Saúde Munisípiu Dili atu hato’o preokupasaun sira ne’e maibé transporte marítima la halo movimentu. Sira halo movimentu semana ida dala-rua, kinta ho sábadu.

“Fasilidade ba iha pasiente sira Atauro mós sufisiente depois de reabilitasaun ba sentru saúde ne’e nia fasilidade natoon de’it hodi halo asisténsia ba ita-nia pasiente sira ne’ebé asesu ba sentru saúde ne’e rasik no mós fasilidade hanesan kama, kalsaun, lensól, ne’e menus tebes tanba nakles hotu maibé ami sei uza nafatin,” nia esklarese.

Kona-ba profisionál saúde iha Sentru Saúde Atauro, Xefe Januário Domingos Soares relata médiku, enfermeiru no parteira sira ne’ebé mak hala’o kna’ar iha sentru refere hamutuk ema na’in 20; médiku na’in hitu, parteira na’in ualu, enfermeiru na’in lima inklui tékniku sira.

“Sira-nia atendimentu ba pasiente sira di’ak tebes no sira nia knaar hanesan ajente saúde oferese nafatin asisténsia di’ak ba ita-nia komunidade,” nia informa.

Enkuantu relasiona ho laboratóriu ho ekipamentu tékniku nian, xefe sentru saúde Atauro informa katak sira hetan difikuldade liuliu matéria reajente sira. “Ami besik tasi no reajente sira menus, ami iha problema bainhira halo transportasaun ro’o  husi Dili mai Atauro,” nia informa tan.

Xefe Sentru Saúde Atauro, Januário Domingos Soares esplika: “Ami-nia kna’ar no ami-nia responsabilidade oinsá atu fó asisténsia di’ak ba ita-nia komunidade ho efikásia ho efisiénsia”.

“Iha Sentru Saúde Atauro nia atendimentu la’o di’ak bainhira komunidade sira mai halo tratamentu iha saúde Atauro iha tratamentu ne’e mós husi suku Maumeta vila inklui mós suku haat sira seluk hanesan Beloi, Biqueli, Makadadi, Maquili,” nia konklui.

Notísia relevante:Infraestrutura Bázika Difikulta Atividade Ekonómika Atauro

 Jornalista: Felicidade Ximenes

Editór     : Rafy belo

HAKEREK NO HATÁN

Please enter your comment!
Please enter your name here