Inan Feton sira kous hela sira nia oan wainhira partisipa iha selebrasaun semana Mundial susuben Inan Nian, iha Salaun Ministeriu Saude Kaikoli Dili 7 Agusto 2019.Imajen/ Media Ministerio Saude

DILI, 07 agostu 2019 (TATOLI)-Susubeen inan nu’udar ai-han perfeitu liu ba bebé tanba susubeen inan nakonu ho fatór imunidade oioin ne’ebé mak fó protesaun kontinua no ativa ba bebé hodi kontra infesaun bainhira bebé nia isin seidauk bele proteje nia aan rasik.

Vice Ministra Saude ba Kuidadu Saude Primaria, Elia Amaral kous hela bebe ida iha selebrasaun semana Mundial susuben Inan Nian, iha Salaun Ministeriu Saude Kaikoli Dili 7 Agusto 2019.Imajen/ Media Ministerio Saude

“Susubeen inan kontein kuantidade enerjia , proteína no vitamina ne’ebé mak los liu ba bebé durante fulan neen dahuluk nune’e mós ho bee ne’ebé mak bebé presiza,” hateten reprezentante UNICEF iha Timor-Leste, Valerie Taton liuhusi diskursu hodi selebra loron nasionál  fó susubeen inan ba bebé ho tema Haforsa Família Fó Apoiu Inan Sira Fó Susubeen Inan Ba Bebé, iha salaun Palásiu Sinza, Caicoli, kuarta (07/08/2019).

Tanba, tuir nia, fó susubeen inan nian ho eskluzivu mak sai hanesan dalan ne’ebé seguru no sustentável liu atu fó ba bebé sira durante fulan neen dahuluk iha sira-nia moris.

“Importante atu hatene katak fó susubeen inan sei kontinua importante nafatin hafoin fulan neen. Organizasaun Mundiál saúde (OMS) no UNICEF rekomenda katak presiza kontinua nafatin fó susubeen inan ho ai-han komplementár ne’ebé apropriada husi fulan neen to’o tinan rua ka liu,” tenik reprezentante UNICEF ne’e.

Vice Ministra Saude ba Kuidadu Saude Primaria, Elia Amaral kous hela bebe ida Foto hamutuk ho Inan feton sira iha selebrasaun semana Mundial susuben Inan Nian, iha Salaun Ministeriu Saude Kaikoli Dili 7 Agusto 2019.Imajen/ Media Ministerio Saude

Nia esplika, fó susubeen inan eskluzivu durante fulan neen no prátika fó hahán komplementár ne’ebé di’ak estimula sistema imunolójiku bebé sira nian, sei proteje sira husi moras no fó protesaun kontra moras la hada’et iha tempu oin mai.

Nia dehan, inan sira bele atinje fó susubeen eskluzivu no kontinua fó susu kuandu sira hatene valór husi fó susu ne’e rasik no bainhira sira hetan apoiu nesesáriu liuhusi membru família uma laran.

“Sai inan aman ba bebé ida ne’ebé foin moris nu’udar prezente moris ne’ebé mak notável liu no iha tempu hanesan asume mós responsabilidade boot; tema ba selebrasaun nasionál semana mundiál susubeen iha tinan ida ne’e mak Hakbiit Inan-aman Fó Dalan ba Fó Susubeen Inan ba Bebé,” katak Valerie.

“Fó dalan ba inan sira hodi fó susubeen inan nian ba bebé presiza polítika ida ne’ebé mak amigavel ba família. Polítika sira ne’e mak hanesan lisensa parentál ho vensimentu fasilita inan fó susubeen inan ba bebé no tulun inan-aman sira atu tau-matan no besik ba sira-nia oan iha sira-nia inísiu iha moris ne’ebé mak importante,” nia hateten.

Susubeen Inan Mak Bele Redús Mortalidade

Susubeen Inan Nian Importante Ba Kreximentu Bebé

Jornalista       : Felicidade Ximenes

Editór             : Rafy Belo

HAKEREK NO HATÁN

Please enter your comment!
Please enter your name here