DILI, 2 agostu 2019 (TATOLI) – Selesaun Nasionál U-15 konsege hamorin Timor-Leste nia naran iha jogu Asian Football Federation (AFF) 2019 ne’ebé realiza iha Thailándia, tanba mellór markadór husi jogu ne’e mai husi jogadór timoroan.

Iha jogu datoluk Ázia ne’e, jogadór timoroan, Paulo Gally Freitas provizóriu sai hanesan mellór markadór tanba jogadór númeru kamizola (10) ne’e, konsege hatama golu dala-lima, nune’e Timor-Leste hela tan jogu rua hodi termina nia distiñu hakat ba meiu finál ka lae.

Tabela klasifikasaun provizória AFF 2019. Imajen espesiál

Paulo Gally sente orgullu tanba bele hamorin Timor-Leste nia naran liuhosi Futeból, biar mosu espekulasaun maka’as, maibé ida ne’e la sai dezafiu ba nia.

Lee mós: FFTL Konsidera Espekulasaun Indonézia ba Jogadór TL Hanesan Funu Psikolojia

“Buat sira ko’alia ne’e husik ba. Ha’u iha ne’e foku nafatin ba jogu ne’e no haree oinsá bele lori ha’u-nia nasaun ba oin,” dehan Gally ba Agência Tatoli via ligasaun telemóvel, sesta ne’e.

Nune’e, nia husu timoroan hotu atu reza ba jogadór sira, atu iha jogu tuir mai Timor-Leste bele hakat ba finál.

Maski hasoru nasaun zigante sira, maibé Timor-Leste la fó fatin, liuhosi nia jogadór sira ne’ebé hatudu prestasaun no kualidade hodi halo ema hotu la imajina katak Timor-Leste bele hetan prestasaun di’ak.

Treinadór ekipa U-15 Timor-Leste mak Kim Shin Hwan ka baibain bolu Mister Kim, ho nasionalidade koreanu, atuál treinadór klube AD SLB Laulara.

Iha jogu dahaat, Timor-Leste sei kontra Vietname no iha jogu ikus liu sei kontra Singapura.

Entretantu, iha jogu AFF ne’e, partisipa hosi nasaun sanulu resin rua.

Tuir mai oráriu jogu AFF 2019 kompletu:

Grup A:

Sabadu, 27 jullu.

15:00   Vietname 0 vs Indonézia 2

15:30   Timor-Leste 7 vs Filipina 1

18:00   Myanmar 0 vs Singapura 0

Segunda, 29 jullu.

15:00   Indonézia 3 vs Singapura 0

15:30   Myanmar 1 vs Timor-Leste 3

18:30   Vietname 3 vs Filipina 1

Kuarta, 31 jullu.

15:00   Indonézia 1 vs Timor-Leste 1

15:30   Singapura 0 vs Vietname 1

18:00   Filipina 0 vs Myanmar 1

Sesta, 2 agostu.

15:00   Filipina vs Indonézia

15:30   Myanmar vs Vietname

18:00   Timor-Leste vs Singapura

Domingu, 4 agostu.

15:00   Indonézi vs Myanmar

15:30   Singapura vs Filipina

18:00   Vietname vs Timor-Leste

Grup B:

Domingu, 28 jullu.

15:00   Malázia 8 vs Brunei Darussalam 0

15:30   Kamboja 1 vs Austrália 3

18:00   Laos 1 vs Thailándia 2

Segunda, 30 jullu.

15:00   Laos 0 vs Austrália 3

15:30   Malázia 2 vs Kamboja 0

18:00   Thailándia 7 vs Brunei Darussalam 1

Kinta, 1 agostu.

15:00   Austrália 0 vs Malázia 3

15:30   Brunei Darussalam 0 vs Laos 3

18:00   Thailándia 4 vs Kamboja 0

Sabtu, 3 agostu.

15:00   Kamboja vs Brunei Darussalam

15:30   Malázia vs Laos

18:00   Austrália vs Thailándia

Segunda, 5 agostu.

15:00   Laos vs Kamboja

15:30   Brunei Darussalam vs Austrália

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here