MInistru Justisa, Manuel Cárceres da Costa, lidera enkontru Konsellu Koordenasaun Majitratura Judisiál iha Salaun Ministeriu Jutisa, Caicoli Dili, Kinta (18/07/2019). Imajen/Mídia MJ

DILI, 26 jullu 2019 (TATOLI)-Ekipa Tékniku hosi Konsellu Koordenasaun Justisa, Kinta (25/07/2019), finaliza ona diskusaun ba proposta lei organizasaun judisiáriu  hamutuk   artigu 112, maibé iha posibilidade sei  elimina artigu hamutuk 10  tanba  konsidera la kondís  ona ho evolusaun justisa iha Timor-Leste.

Komunikadu  Imprensa ne’ebé Ajénsia TATOLI simu hosi Mídia Ministériu Justisa,  relata katak, ekipa téknika  ne’e, sei aprezenta ba nivél ás Konsellu Koordenasaun Justisa iha loron 12 fulan Agostu,  hodi  halo apresiasaun depois submete ba Konsellu Ministru no kontinua baixa ba Parlamentu Nasionál hodi halo diskusaun no aprovasaun.

Mezmu nune’e, nota imprensa ne’e la deskreve  klaru kona-ba artigu 10 ne’ebé iha posibilidade sei elimina hosi proposta lei ne’e rasik.

Ekipa téknika hosi Konsellu Koordenasaun Justisa,  kompostu hosi Ministériu Justisa, Tribunál Rekursu, Ministériu Públiku, Defensoria Públiku, Polisia Sientífika Investigasaun Kriminál (PCIC-sigla Portugés) no Sentru Formasaun Jurídiku no Judisiáriu.

Notísia Relevante : Proposta Lei Organizasaun Judisiáriu iha Artigu 112

Jornalista : Agapito dos Santos

Editór       : Francisco Simões

HAKEREK NO HATÁN

Please enter your comment!
Please enter your name here