iklan

POLÍTIKA

Mosu Tan Koligasaun ho Naran MSD

Mosu Tan Koligasaun ho Naran MSD

DILI, (TATOLI) – Movimentu Sosiál Demokrata (MSD), kompostu husi Partidu Sosialista Timor (PST), Partidu Sosiál Demokrata (PSD) no PDC (Partidu Demokrítka Cristão)  no C-ASDT (Centro Acção Social Democrata Timorense) ofisializa sira-nia koligasaun hodi kompete iha Eleisaun Antesipada nu’udar forsa polítika ida.

MSD sei rejistu eh konfirma iha CNE (Comissão Nacional das Eleições), aban. “Lei bareira eleitorál ne’e lei ida ne’ebé mak hateten partidu sira kuandu atu tuir eleisaun atu bele manan asentu iha parlamentu tenke quarto pursentu. Primeiru, lei laduun di’ak maibé como lei ona ita tenke kumpri”, hatete reprezentante MSD, Avelino Coelho, bainhira konfirma kona-ba bareira eleitorál husi jornalista sira iha Acait, ohin.

Nia akresenta eleisaun dala hirak ona mak lei bareira eleitorál duni para partidu sira ne’ebé tendénsia ideolojia, polítika hanesan, programa hanesan bele buka malu.

Tanba ne’e prosesu naruk, sira buka malu kle’ur to’o ikus selesaun natureza duni, nune’e hamosu entendimentu sosiál demokrata, prezidente, João Mendes Gonçalves, C-ASDT, Gil Alves da Costa, Partidu Demokrata Cristão, António Ximenes, Partidu Sosialista Timor deside kontribui partisipa iha eleisaun ne’ebé mak mai ho fiar, korajen ho determinasaun atu bele sai forsa alternativa ba povu.

Objetivu finál mak aprezenta programa alternativa, lideransa alternativa, forsa polítika alternativa atu liberta povu ba liafuan ne’ebé mak saudozu Francisco Xavier do Amaral nomós saudozu Mario Viegas Carrascalão; hamaran povu nia matan-been, lori povu ba moris di’ak.

“Ida ne’e mak moto, prinsípiu báziku ne’ebé mak Movimentu Sosiál Demokrata fó”, haktuir Avelino Coelho.

Nia reforsa ultrapasa bareira pursentu haat, produz husi Parlamentu Nasionál ne’e luta ida, prosesu kampaña, prosesu edukasaun polítika, prosesu sensibilizasaun. “Ami fiar katak Movimentu Sosiál Demokrata bele hetan konfiansa husi povu”.

Bainhira rejistu, MSD sei prepara lista, bainhira ba parlamentu mós bankada ida de’it, pensamentu projeta Movimentu Sosiál Demokrata sai forsa ida boot liu iha 2022, iha eleisaun munisipál.

Kompozisaun lista. “Lista ida de’it i Movimentu Sosiál Demokrata ami laduun diskute malu semak ba lista, importante mak plataforma polítika hodi prienxe no ba tuur reprezenta Movimentu Sosiál Demokrata, tanba ne’e ami bankada ida de’it”.

Prezidente MSD atualmente mak João Mendes Gonçalves, lider másimu PST no adjuntu, Gil Alves da Silva, prezidente C-ASDT.

Notísia relevante,http://www.tatoli.tl/2018/02/cne-mak-sei-deside-koligasaun-partidu-laos-tr/

Jornalista: Rafy Belo

Editora: Rita Almeida

iklan
iklan

Leave a Reply

iklan
error: Content is protected !!