Carrascalão Hameno Hela Nia Sei Hakoi Ho Familia Sira

0
2186
Pedro Carrascalão

DILI (TATOLI)—Saudozu Enj. Mário Viegas Carrascalão antes husik hela mundu hodi ba hamutuk Aman Maromak iha mundu seluk ida, nia hameno hela ona katak, bainhira nia mate nia isin mate ba halot (hakoi) iha simeteriu Liquisa, iha ne’eba familia Carrascalão tomak hakoi ba.

Oan Mane matebian Carrascalão, Pedro Carrascalão, dehan, maske iha ona dekretu Prezidenti da Repúblika atu ami nia aman hakoin iha Jardim dos Herois Metinaru, maibé obrigado mate isin ami aman sei hakoin fali iha Liquisa, ida ne’e tanba pedidu hosi matebian bainhira nia sei moris hela.

“Ne’e matebian nia pedidu tanba ne’e mezmu dekretu prezidensial, maibe ba haloot iha Liquica ho nia familia sira,” Pedro Carrascalão esplika ba TATOLI iha nia rezidensia, ohin.

Enkuantu, Primeiru Ministru, Rui Maria de Araújo realsa, dekretu prezidensial, Prezidente Republika deside atu autoriza Enj. Mário Viegas Carrascalão hakoi iha Jardim dos Herois Metinaru, maibe familia rasik (Espoza) hatoo  katak matebian sei ba haloot hamutuk ho nia familia iha Liquisa. Embora Estadu iha autoridade atu fo autorizasaun ne’e, maibe ita tenke respeita familia nia vontade no liuliu vontade matebian nian.

Tuir ajenda matebian sei ba hakoi iha Liquica, iha loron Segunda (aban-red) maibé molok atu ba sei lori mate isinhalai hadulas sidade Dili laran hafoin bele ba hakohi.

Noticia Relasionadu

http://www.tatoli.tl/2017/05/carrascalao-sei-halot-iha-jardim-dos-herois-metinaru/

http://www.tatoli.tl/2017/05/antes-hakotu-carrascalao-nia-kareta-soke-dala-rua/

http://www.tatoli.tl/2017/05/biografia-mario-viegas-carrascalao/

(Jornalista : Zezito Silva)

(Editór : Manuel Pinto)

HUSIK IDA HATÁN