Antes Hakotu Ís Carrascalão Nia Kareta Soke Dala Rua

0
3217
Saudozu Mario Viegas Carrascalão

DILI (TATOLI)—Saudozu Mario Viegas Carrascalão, antes hakotu nia is iha Óspital nasionál Guido Valdares (ONGV) ohin dadersan, tanba kauza kareta ho mark Mini Pajero ho numiro matrikula 21.215 TL ne’ebé Saudosu lori soke dala rua.

“Asidenti ne’e akontese iha Igreja Motael nia oin. Kareta ne’ebé Avo (matebian Carrascalão) lori soke uluk motor ida, maibé Avo kontinua la’o ho nia kareta besik iha portu Dili nian ne’e soke airin eletrisidade nian. Ida ne’e grave,” Segundu komandante Polísia Munisipiu Dili, Euclides Belo informa ba jornalista sira iha ONGV, Sesta (19/05)

To’o notisia ne’e tun mate isin sei iha ONGV,  Polísia Nasionál Timor-Leste, sei apoia tomak kondisaun  atu lori mate isin ba iha nia rejidensia Komoro, Tera Santa.

Entertantu Hipolito da Silva, komunidade ne’ebé ajuda saudozu iha fatin akontesimentu konta tan katak, Saudozu Mario Viegas Carrascalão, fila ba aman Maromak nia kdunan Santo tanba kauza asidenti tráfego mais menus tuku 10H00, otl dader iha area Portu Dili nian.

Iha fatin akontensimentum, matebian sofre kedan iha parte kabun, nune’e iha minutu balun hetan tulun hosi parte seguransa hodi evakual hetan  Saudozu Carrascalao ba Óspital Nasionál Guido Valdares.

“Hafoin ami loke odamatan ami haree kabun nakloke pois ran sai, ha’u kous nia,” Hipolito da Silva konta tuir.

(Jornalista : Zezito Silva)

(Editór : Manuel Pinto)

 

HUSIK IDA HATÁN