DILI, 08 jullu 2022 (TATOLI)— Líder Karismátiku, Kay Rala Xanana Gusmão, agradese no kongratula Governu Austrália ne’ebé liberta Bernard Collaery hosi justisa liuliu akuzasaun tuir sesaun 71 husi Judisiary Act 1903 Austrália nian.
Governu Austrália akuza Bernard Collaery tanba belun boot Timór nian ne’e lekar sai segredu intelijénsia Austrália (ASIO-Australian Securty Intellegence) halo operasaun espionajen hasoru Timor-Leste iha tinan 2004 no ajuda mós Timor-Leste mánan negosiasaun fronteira marítima permanente hosi Austrália.
Notísia relevante: Karta Husi Bernard Collaery: “Ha’u Sei Kontinua Ajuda Imi”
“Ha’u hakerek ba Primeiru Ministru Austrália Anthony Albanese, agradese ba nia Governu no desizaun ne’ebé interese ba relasaun amizade Timor – Leste no Australia,” Xanana afirma liuhosi nota ne’ebé Agência TATOLI asesu, sesta ne’e.
Bernard Collaery hetan akuzasaun tuir alegasaun ne’ebé viola ba lei seguransa nasionál Austrália ba servisu intelijensia ne’ebé koloka iha Gabinete Governu Timor-Leste durante negosiasaun petroleun.
“Povu Timor-Leste agradese ba korajen ne’ebé Bernard Collaery ne’ebé apoiu nia pozisaun durante ne’e, Bernard Collaery hanesan kliente koñesidu no sasin barak no respeita Timor – Leste,” refere nota ne’e.
Notísia relevante: Xanana Sei Defende Witness K no Bernard Collaery iha Tribunál Austrália
Xanana mós rekoñese ba kontribuisaun belun boot Timór nia-luta ne’ebé hodi alkansa fronteira marítima permanente entre tasi Austrália no tasi Timór.
“Prezidente Repúblika José Ramos Horta servisu halo advokasia ne’ebé di’ak hodi halo prosesu ne’e to’o ramata. Ha’u salut no agradese ba Tribunál Austrália nian ne’ebé apoiu ona atu liberta nia,” deklara Xanana.
Prokuradór Jerál Austrália retira Bernard Collaery
Prokuradór Jerál Austrália Onoravél, Hon, Mark Dreyfus QC MP no Ministra Negósiu Estranjeiru Austrália Senadora Onoravel Penny Wong MP deklara desizaun loos ona hodi hapara akuzasaun ba Bernard Collaery.
“Ohin, Prokuradór Jerál Austrália nian Onoravel Mark Dreyfus QC MP hapara ona akuzasaun ba Bernard Collaery tuir sesaun 71 husi Judisiary Act 1903 Austrália nian,” Dreyfus hateten liuhois nota imprensa.
Notísia relevante: PN aprova votu solidariedade ba Bernard Collaery
Desizaun ne’ebé Prokuradór ne’e foti kle’an tebes relasiona ho seguransa nasionál no Austrália nia interese no administrasaun judisiál ne’ebé propriu.
“Tuir Ha’u nia pontu de vista akuzasaun ba Bernard Collaery tenke para,” dehan Dreyfus.
Tanba ne’e, Nia deside uza nia kompeténsia ka kbiit bazeia ba seksaun 71 husi judiciary Act atu la kontinua halo akuzasaun ba Bernard Collaery.
Governu Austrália nia komprimisiu atu proteje interese nasionál Austrália nian ho nasuan viziñu sira ne’ebé besik.
Notísia relevante: MKOTT Entrega Asinatura Solidariedade 1.300 Resin Ba Austrália
Julga Collaery Cs, Austrália “Labele Kontinua Rejime Soeharto”
Jornalista: Hortencio Sanchez
Editór : Florencio Miranda Ximenes
