Reprezentante Grupu Arte-Marsiál PSHT halo atrasaun iha ámbitu serimónia reabertura ezersísiu arte-marsiál, iha Jináziu Dili, kinta (26/05). Imajen Tatoli/Francisco Sony

DILI, 23 juñu 2022 (TATOLI)— Membru Fundadór Organizasaun Persaudaraan Setia Hati Terate (PSHT) Timor-Leste, Ambrosio Mau Talo, informa membru na’in-9.000-resin hahú prepara atu simu graduasaun iha fulan-agostu tinan ne’e.

“Tinan ne’e, ita halo graduasaun ba membru 9.000-resin tuir desizaun ne’ebé Governu fó sai ona. Maibé númeru ne’e bele tun ou bele aumenta,” Fundadór PSHT ne’e  informa ba Agência TATOLI via teléfonika, kinta ne’e.

Daudaun ne’e, estrutura PSHT deside fatin haat sai fatin ba graduasaun nian, mak parte Leste sei hala’o iha munisípiu Baucau ne’ebé sei akumula membru foun sira hosi Viqueque, Lautém no Manatuto, rai-klaran halo iha sentru munusípiu Manufahi, ne’ebé sei akumula mós hosi Ainaro, Suai no Aileu.

Enkuantu, iha munisípiu Dili mak kompostu membru-sira hosi Ermera no Rejiaun Administrativu Espesiál Oé-Cusse no Ambeno (RAEOA) no iha parte Loromonu realiza iha Bobonaro ne’ebé sei partisipa mós membru sira hosi Liquiça.

Tuir oráriu, atividade graduasaun sei akontese durante loron tolu, hahú iha loron 19 to’o 21 agostu ne’ebé partisipa mós Xefe Konsellu balun hosi nasaun Indonézia.

Alende ne’e, Fundadór ne’e afirma, iha loron 09 to’o 10 jullu, PSHT sei realiza kongresu ordináriu hodi hili hikas estrutura foun tanba estrutura antes ne’e nia mandatu termina.

“Ita mós sei realza kongresu iha jullu nia laran komesa iha 09 to’o 10 atubele hili fali estrutura foun tuir membru sira nia ezijénsia,” nia afirma.

Kongresu ne’e hetan apoia fatin no orsamentu hosi Sekretáriu Estadu Juventude no Desportu (SEJD) no organizasaun mós kada membru kontribui ona osan balun.

Nune’e, PSHT preparadu no prontu atu realiza kongresu iha jullu nia laran no sei realiza iha salaun Kuartél Jenerál FALINTIL-Forsa Defeza Timor-Leste (F-FDTL) Fatuhada Dili.

Notísia relevante: Kandidatu PSHT munisípiu haat sei gradua iha Jináziu Maliana

Jornalista : Hortencio Sanchez

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here