Ema ho Defisiénsia partisipa serimónia komemorasaun loron Restaurasaun Independénsia Timor-Leste ba dala XX, iha Palásiu Prezidensiál Nicolau Lobato, Bairru Pite, sesta (20 maiu 2022). Imajen Tatoli/Francisco Sony.

DILI, 22 juñu 2022 (TATOLI)—Diretór Nasionál Protesaun formasaun Direitu ba Ema ho Defisiénsia, Mateus da Costa hateten, Ministériu sira (hotu-hotu) tenke prevee osan ba Planu Asaun Nasionál (PAN) hodi haree ba asuntu Ema ho Defisiénsia (EhD) sira iha Timor-Leste.

Nia hateten, Ministériu Solidariedade Sosiál no Inklusaun (MSSI) hanesan autór prinsipál ba iha promosaun no protesaun direitu ba ema ho defisiénsia, nune’e bele kria polítika Planu Asaun Nasionál (PAN).

“Importante ministeriu ida-idak tau sira-nia orsamentu rasik ba iha sira nia planu anuál ba asuntu ema ho defisiénsia sira, atu asegura katak dezenvolvementu ne’e inkluzivu. Nune’e, ema ho defisiénsia bele asesu ba aspetu deszenvolvementu nian,” nia hateten ba jornalista sira hafoin halo diálogu ho MSSI no ema ho defisiénsia sira, iha salaun Asosiasaun HAK, Faról, kuarta ne’e.

Koordenador Core Group Transparency-Timor Leste (CGT-TL) Sabino Fitun, hateten ohin diálogu ho MSSI no Ministériu Finansa kona-ba planu programa Orsamentu Jerál Estadu (OJE) ba asuntu ema ho defisiensia sira-nian ba tinan 2022-2023, nune’e organizasaun ema ho defisiénsia bele haree tuir no komprende ninia lala’ok.

“Ami haree katak MSSI hanesan ministériu ida-ne’ebé importante ba OJE nian ho medida Planu Asaun Nasionál,” nia hateten.

Ministériu Finansas nu’udar ministériu ida-ne’ebé jere orsamentu CGT ho parseriu sira no Asosiasaun Defisiénsia Timor-Leste (ADTL), OXFOM hanoin asuntu ida-ne’e tenke ko’alia ho sira.

“Ami hakarak hatene sira-nia Planu Asaun Nasionál ba tinan 2022 to’o 2023, oinsá ita hosi organizasaun ema ho defisiensia sira hatene atu kolabora ho sira, hodi bele haree saida mak seidauk tama ba sira nia Planu Asaun Nasionál, nune’e organizasaun ema ho defisiénsia bele rekomenda sira-nia substituisaun ba ministériu relavante inklui mós Ministériu Finansa,” nia esplika.

Ema ho defisiénsia ezije kada ministériu ida-idak halo orsamentu tenke pasifiku ba ema ho defisiénsia la’ós orsamentu ketak, ezemplu, liga ba estrada karik ema hotu-hotu bele uza.

Tanba ne’e, nia fó hanoin ba ministériu sira atu inklui ministériu nia orsamentu ne’e, bele tau sira-nia nesesidade saida mak ema ho defisiensia sira-nia nesesidade liuhosi dezenvolvimentu.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here