DILI, 20 juñu 2022 (TATOLI)—Ministériu Saúde (MS), relata kazu pozitivu foun laiha, rekuperadu na’in-rua no kazu ativu 15.
“Ohin kazu detetadu foun laiha, rekuperadu rua no kazu ativu 15,”Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI, segunda ne’e.
Nune’e, hahú 21 marsu 2020 to’o 20 juñu 2022 iha kumulativu kazu konfirmadu 22.944 no óbitu 133.
Hosi horisehik mai ohin, Laboratóriu Nasionál Saúde halo teste PCR 40, kompostu vijilánsia sentinela laiha, rastreiu ba kontaku ida, rastreiu aleatóriu laiha, viájen internasionál 38 no follow up iha kuarentena laiha.
Alende ne’e, totál teste PCR ne’ebé halo iha 19 juñu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 31, hanesan Maubisse laiha, Maliana neen, Viqueque laiha, Suai laiha, Baucau laiha Ermera laiha, RAEOA 25, HNGV laiha, Lautém laiha, Vera-Cruz laiha no Manufahi laiha.
Populasaun elijível tinan 18 ba leten, ne’ebe simu ona vasina to’o iha loron 20 juñu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,8%) no kumulativu 2ª doze iha Dili (82,9%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,9% no simu ona doze daruak 74,1%.
Hosi insidénsia COVID-19 iha Timor-Leste, durante loron hitu ikus maka 0,4/100 mil abitante.
Iha loron 20 juñu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no baixa ho COVID-19 laiha.
Notísia Relevante: COVID-19: kazu pozitivu laiha,rekuperadu na’in-rua no ativu 19
Jornalista: Felicidade Ximenes
Editór : Florencio Miranda Ximenes
