Ministru Transporte no Komunikasaun, José Agustinho da Silva. Imajen Tatoli/Egas Cristovão

DILI, 14 juñu 2022 (TATOLI)–Governu liuhosi ministériu implementadór daudaun ne’e sei kompleta lista benefisiáriu molok implementa subsídiu kombustível.

“Prodús ona voucher no kompleta tan lista balun, ne’ebé hein de’it hosi Ministériu Agrikultura no Peska (MAP) mak halo lansamentu dala-ida de’it,” Ministru Transporte no Komunikasaun, José Agustinho da Silva, hateten, iha salaun Ministériu Transporte no Komunikasaun (MTK), Caicoli, tersa ne’e.

Tuir Ministru, prosesu hotu la’o ona, hanesan instrumentu legál implementadór, nune’e mós diploma ministeriál konjunta.

“Prosesu hotu kompleta tiha ona. Ha’u mós hasai ona despaixu konjunta ba tékniku sira atu implementa polítika ida-ne’e iha terrenu,” nia akresenta.

Notísia relevante: Transporte rodoviáriu públiku 3.871 sei sai benefisiáriu subsídiu kombustível

Foin lalais, Konsellu Ministru aprova subsídiu kombustível hodi fó ba operadór transporte rodoviáriu públiku, operadór transporte aéreu, marítima nasionál no kompradór kombustível ne’ebé hala’o atividade agríkola no peska.

Inisiativa ne’e mosu tanba haree ba situasaun globál, ne’ebé provoka aumentu folin petróleu.

Diploma ne’e sei válidu to’o 31 jullu 2022 no bele mós prolonga karik iha kondisaun exesionál ba aumentu presu iha merkadu kombustível kontinua la estável.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here