Prezidente Parlamentu Nasionál, Aniceto Longuinhos Guterres Lopez.

DILI, 09 juñu 2022 (TATOLI)—Prezidente Parlamentu Nasionál, Aniceto Longuinhos Guterres Lopes, informa PN inisia ona programa ida ho Governu iha 14 jullu Primeiru-Ministru (PM), Taur Matan Ruak, sei mai iha PN hodi ko’alia no debate kona-ba balansu Governasaun iha VIII Governu no balansu situasaun Estadu Timor-Leste nian to’o ona iha ne’ebé no atu ba ne’ebé hodi públiku bele hatene.

“Programa ne’e Parlamentu Nasionál iha rejimentu dehan agora ami tenke kumpre halo programa ida-ne’e. Ne’ebé, iha 14 jullu 2022, Primeiru-Ministru sei mai iha Parlamentu hato’o balansu kona-ba governasaun oitavu Governu nian no balansu liga mós situasaun Estadu Timor-Leste tomak nian, ita to’o ona iha ne’ebé no atu ba ne’ebé, Ita bele aborda hanesan, nune’e sidadaun sira no mundu bele hatene,” Prezidente PN ne’e hateten ba Agência Tatoli liuhosi entrevista eskluzivu iha nia knar fatin PN, kuarta (08/06).

Enkuantu, programa PN ne’e parte Governu konkordu ona ne’ebé informadu hodi bele marka prezensa iha debate ne’ebé mai.

“Pelumenus MAPKOMS no Sekretáriu Estadu SEKOMS ne’ebé reprezenta Governu hateten ona aseita no Governu prontu preparadu ne’ebé ita hein iha 14 jullu Parlamentu realiza debate importante ida-ne’e,” nia dehan.

Segundu lidér órgaun soberania ne’e konsidera debate ne’e importante tebes oportunidade ba Governu hodi hato’o oinsá ba oin hadi’a liután dezenvolvimentu nasaun.

“Governu ne’e oportunidade ba Governu liu-liu ba Primeiru-Ministru, maibé baibain tenke iha sufisiente atu prepara normalmente fulan ida antes maibé agora loloos fulan rua antes, ne’ebé ami konkorda tiha ona,” nia hateten.

Jornalista : Nelson de Sousa

Editór       : CancioXimens

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here