Prezidente CDTL, Macario Sanches. Imajen/ Media CDTL

DILI, 07 juñu 2022 (TATOLI)—Prezidente Konfederasaun Desportu Timor-Leste, Macario Floriano Sanches, husu Governu atu investe dezenvolvimentu desportu iha Timor-Leste.

“Ita husu Governu atu investe tan dezenvolviementu Desportu iha Timor-Leste, nune’e bele mellora di’ak liután talentu desportu sira-nian. Tanba, liuhosi desportu mak bele lori prestasaun no rezultadu di’ak ba mundu,” Prezidente CDTL ne’e hateten ba jornalista sira, iha rezidénsia Primeiru-Ministru, Faról, Dili, tersa ne’e.

Maske Timor-Leste nia kondisaun no rekursu ne’ebé mínimu maibé bele lori prestasaun di’ak, tanba ne’e mak CDTL husu Governu liuhosi Primeiru-Ministru atu investe tan fasilidade bázika balun ne’ebé mak bele lori prestasaun di’akliu.

Pnimeiru-Ministru konkorda katak ida-ne’e mak Timor-Leste buka tanba mzsmu ki’ik-oan no uitoan maibé iha futuru Timor-Leste bele mellora tan,” nia dehan.

Asuntu ida-ne’e mak CDTL hato’o ba Xefe Governu no partilla mós kona-ba Konfederasaun Desportu Timor-Leste ba Primeiru Ministru, no nia kontente loos maske Timor-Leste nia rekursu no fasilidade ne’ebé limitadu maibé iha prosesu balun bele konkretiza no lori bandeira Timor-Leste semo iha rai seluk.

“Ida-ne’e hanesan rezultadu ne’ebé prova tiha ona, tanba ne’e mak ami fahe oinsá atu bele mellora,” nia dehan.

Ho aprezentasaun asuntu hirak-ne’e ba Primeiru-Ministru no PM husu Konfederasaun Desportu Timor-Leste iha planu ida-ne’ebé ho estratéjia di’ak atu nune’e lori prestasaun ne’ebé di’ak iha futuru.

Jornalista : Osória Marques

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here